ന്യൂഡൽഹി: രാഷ്ട്രപതി ദ്രൗപദി മുർമു ഇന്ന് പഞ്ചാബിൽ. മുർമു അമൃത്സർ സന്ദർശിക്കുമെന്ന് രാഷ്‌ട്രപതിഭവനിലെ ഓദ്യോഗികവൃത്തങ്ങൾ അറിയിച്ചു. രാവിലെ 11 മണിക്ക് അമൃത്സർ വിമാനത്താവളത്തിലേക്ക് എത്തും. അമൃത്സറിലെത്തുന്ന രാഷ്‌ട്രപതിയെ പഞ്ചാബ് മുഖ്യമന്ത്രി ഭഗവന്ത് മാൻ സ്വീകരിക്കും.
സുവർണ്ണ ക്ഷേത്രത്തിൽ ഹർമിന്ദിർ സാഹിബിന് പ്രണാമം അർപ്പിക്കും. ജാലിയൻ വാലാബാഗ് സന്ദർശിക്കും, ദുർഗിയാന ക്ഷേത്രത്തിലും രാം തീർത്ഥ ക്ഷേത്രത്തിലും ദർശനം നടത്തും. വൈകുന്നേരം 4.30-ന് അമൃത്സറിൽ നിന്ന് ഡൽഹിയിലേക്ക് പുറപ്പെടും.
അതേസമയം മാർച്ച് 17-ന് രാഷ്ട്രപതി ദ്രൗപദി മുർമു കേരളത്തിലും എത്തും. കൊച്ചിയിൽ എത്തുന്ന രാഷ്ട്രപതി ഐഎൻഎസ് ദ്രോണാചാര്യയിൽ നാവിക സേനയുടെ പരിപാടിയിൽ പങ്കെടുക്കും. അവിടെ താമസിച്ച ശേഷം മറ്റു ചില ചടങ്ങുകളിൽ കൂടി പങ്കെടുത്ത ശേഷം പിറ്റേന്ന് മടങ്ങുമെന്ന് ഓദ്യോഗികവൃത്തങ്ങൾ അറിയിച്ചു.
Comments