മധുരം ആവോളം കഴിക്കാൻ ഇഷ്ടപ്പെടുന്നവരാണ് നാം. എന്നാൽ രുചിയേക്കാൾ ദോഷമാണ് ഈ മധുരം. പഞ്ചസാര കലർന്ന ആഹാരങ്ങൾ കൂടുതലായി കഴിക്കുന്നത് കരൾ രോഗത്തിന് കാരണമാകും എന്നതാണ് പുതിയ പഠനം. കരൾ ശരീരത്തിൽ അധികമുള്ള പഞ്ചസാരയെ കൊഴുപ്പാക്കി മാറ്റും. പഞ്ചസാര കൂടുതലായി കഴിക്കുന്നതും മദ്യം കഴിക്കുന്നതും സമാനമായാണ് കരളിനെ ബാധിക്കുന്നത്.
അമിതമായി പഞ്ചസാര കഴിക്കുന്നതിലൂടെ കരൾ രോഗത്തിന് കാരണമായ ഡയറ്റ്-ഇൻഡ്യൂസ്ഡ് മൈക്രോബയൽ(സൂഷ്മ ജീവികൾ), മെറ്റബോളിക് എന്നിവ വർദ്ധിക്കുകയും ശരീരത്തിന് ദോഷകരമായി ബാധിക്കുകയും ചെയ്യുമെന്ന് കണ്ടെത്തി. മിസോറി യൂണിവേഴ്സിറ്റി സ്കൂൾ ഓഫ് മെഡിസിനിലെ പോഷകാഹാര വിദഗ്ദരുടെ പഠനത്തിലാണ് ഇത് കണ്ടെത്തിയിരിക്കുന്നത്.
നാം നമ്മുടെ ശരീരത്തെ കുറിച്ച് പൂർണ ബോധവാന്മാരായിരിക്കേണ്ടത് അനിവാര്യമാണ്. ശരീരത്തിന് ദോഷമായി ബാധിക്കുന്ന ഭക്ഷണ പദാർത്ഥങ്ങളെ കുറിച്ച് നാം അറിഞ്ഞിരിക്കണം. കുടൽ-കരൾ അവയവങ്ങളെ കുറിച്ച് കൂടുതൽ ധാരണ ഉണ്ടാക്കിയെടുക്കുകയും ഭക്ഷണക്രമീകരണങ്ങൾ കൊണ്ടുവരുകയും ചെയ്യണം. ആരോഗ്യത്തിന് ദോഷകരമായ ഭക്ഷണക്രമങ്ങൾ ഗട്ട് മൈക്രോബയോട്ടയെ ഇല്ലാതാക്കുകയും ഇത് കരളിനെ ബാധിക്കുകയും ചെയ്യുന്നു.
കൊഴുപ്പും അമിത പഞ്ചസാരയും അടങ്ങിയ ഭക്ഷണങ്ങൾ എലികൾക്ക് നൽകുന്നതിലൂടെ ബ്ലൂട്ടിയ പ്രൊഡക്റ്റ് എന്ന കുടൽ ബാക്ടീരിയയ്ക്കും കരൾ വീക്കത്തിന് കാരണമാകുന്ന ഒരു ലിപിഡ് വികസിച്ചതായി വിദഗ്ദരുടെ സംഘം കണ്ടെത്തിയിട്ടുണ്ട്. കൊഴപ്പിനെ ലയിപ്പിക്കുന്ന ജീവകങ്ങളാണ് ലിപ്പിഡുകൾ. ചെറിയ തോതിൽ ശരീരത്തിലെത്തുന്ന കൊഴുപ്പിനെ പോലും ഇവ ലയിപ്പിക്കുന്നു.
കരൾ രോഗം ഒരു ആരോഗ്യ പകർച്ചാവ്യാധിയാണെന്നും ഇത് കരൾ കാൻസറിനും സിറോസിസത്തിനും കാരണമാകുമെന്നും മിസോറി യൂണിവേഴ്സിറ്റിയിലെ പ്രൊഫസർ കെവിൻ സ്റ്റാവ്ലി പറഞ്ഞു. അർബുദ ചികിത്സയ്ക്കെത്തുന്ന പലരുടെയും പ്രധാന കാരണം കരൾ സംബന്ധ രോഗങ്ങളാണ്. എന്നാൽ ഇത് പലപ്പോഴും മനസിലാക്കാൻ സാധിക്കുന്നില്ല. ഇത് ശസ്ത്രക്രിയ സമയത്ത് പ്രതികൂലമായി ബാധിക്കുകയും ചിലരുടെ മോശം ആരോഗ്യാവസ്ഥയിൽ ശസ്ത്രക്രിയ സാധ്യമല്ലാതാകുകയും ചെയ്യുന്നു.
കുടിവെള്ളത്തിലൂടെ നൽകുന്ന ആൻറിബയോട്ടിക് കോക്ടെയ്ൽ ഉപയോഗിച്ച് എലികളെ ചികിത്സിക്കുന്നത് വിദഗ്ദ സംഘം പരിശോധിച്ചിരുന്നു. ആൻറിബയോട്ടിക് ചികിത്സ കരൾ വീക്കവും ലിപിഡ് ശേഖരണവും കുറയ്ക്കുന്നതായി കണ്ടെത്തി. ഇത് കരൾ രോഗത്തിന്റെ സാധ്യതകൾ കുറയ്ക്കുമെന്ന് പഠനം വ്യക്തമാക്കിയിട്ടുണ്ട്.
