നടനും നാടകാചാര്യനുമായ എൻഎൻ പിള്ളയുടെ ജീവിതം സിനിമയാകുന്നു എന്ന് കുറച്ച് കാലങ്ങൾക്ക് മുൻപ് പ്രഖ്യാപിച്ചിരുന്നു. രാജീവ് രവി സംവിധായയകനാകുന്ന ചിത്രത്തിൽ നിവിൻ പോളി ആയിരിക്കും നായൻ എന്നും റിപ്പോർട്ടുകൾ ഉണ്ടായിരുന്നു. എന്നാൽ പിന്നീട് ചിത്രത്തിനെ കുറിച്ച് റിപ്പോർട്ടുകൾ ഒന്നും തന്നെ പുറത്ത് വന്നിട്ടുണ്ടായിരുന്നില്ല. എന്നാൽ ഇപ്പോൾ സിനിമ ഉപേക്ഷിച്ചിട്ടില്ലെന്ന് വ്യക്തമാക്കുകയാണ് എൻ എൻ പിള്ളയുടെ മകനും നടനുമായ വിജയരാഘവൻ.
ഇത് വലിയൊരു പ്രൊജക്റ്റ് ആയതിനാൽ ഒരുപാട് തയ്യാറെടുപ്പുകൾ വേണ്ടിവരും. ഇന്ത്യൻ നാഷണൽ ആർമിയിലെ അദ്ദേഹത്തിന്റെ ജീവിതം കാണിക്കേണ്ടി വരും. ലോക മഹായുദ്ധങ്ങൾ കവർ ചെയ്യേണ്ടി വരുമെന്നതിനാൽ ഇത് ഒരു ബിഗ് ബജറ്റ് ചിത്രമായി മാത്രമേ എടുക്കാൻ കഴിയൂ. ഇക്കാരണങ്ങൾ കൊണ്ടാണ് സിനിമ വൈകുന്നത്. പ്രൊജക്ട് ഇപ്പോഴും സജീവമാണ്. വളരെ പെട്ടെന്നു തന്നെ കാര്യങ്ങൾ സംഭവിക്കുമെന്ന് പ്രതീക്ഷിക്കുന്നായും വിജയരാഘവൻ പറയുന്നത്.
എൻ എൻ പിള്ളയുടെ ആത്മകഥയായ ഞാൻ ആസ്പദമാക്കിയായിരിക്കും സിനിമയെന്നാണ് വാർത്ത. ഗോപൻ ചിദംബരമായിരിക്കും ചിത്രത്തിന്റെ തിരക്കഥ. ഇ4 എന്റർടെയ്ൻമെന്റാണ് ചിത്രം നിർമിക്കുന്നത്.
Comments