സൂരറൈ പോട്രിന്‍റെ ബോളിവുഡ് റീമേക്ക് ചെയ്യാനൊരുങ്ങി അക്ഷയ് കുമാർ; നായികയായി രാധിക മദൻ

സുധ കൊങ്കര സൂര്യയെ നായകനാക്കി ഒരുക്കിയ തമിഴ് ചിത്രം ‘സൂരറൈ പോട്രി’ന്‍റെ
ബോളിവുഡ് റീമേക്ക് റിലീസ് തീയതി പ്രഖ്യാപിച്ചു. ഹിന്ദിയിൽ അക്ഷയ് കുമാറാണ് നായകനായി എത്തുന്നത്. സെപ്റ്റംബര്‍ 1-നാണ് ചിത്രം തിയേറ്ററുകളിൽ പ്രദർശനത്തിനെത്തുന്നത്. ബോളിവുഡിലും സുധ കൊങ്കര തന്നെയാണ് സംവിധാനം ചെയ്യുന്നത്.

ചിത്രത്തിൽ നായികയായി എത്തുന്നത് രാധിക മദനാണ്. തമിഴിൽ അപർണല ബാലമുരളിയായിരുന്നു നായിക. സൂര്യയുടെ നിർമാണക്കമ്പനിയായ 2 ഡി എന്റർടെയ്ൻമെന്റ്സും വിക്രം മൽഹോത്ര എന്റർടെയ്ൻമെന്റും ചേർന്നാണ് സിനിമയുടെ നിർമാണം.

ചുരുങ്ങിയ ചിലവിൽ സാധാരണക്കാർക്ക് യാത്രചെയ്യാൻ കഴിയുന്ന എയർ ഡെക്കാൻ സ്ഥാപകൻ ക്യാപ്റ്റൻ ​ഗോപിനാഥിന്റെ ജീവിതത്തെ ആസ്പദമാക്കിയുള്ള ചിത്രമായിരുന്നു സൂരരൈ പോട്ര്. 68ാമത് ദേശീയ ഫിലിം അവാർഡിൽ അഞ്ച് പുരസ്കാരങ്ങളാണ് ചിത്രം സ്വന്തമാക്കിയത്.

We are ready for take off! ✈️

Production No. 27 (Untitled) releases in theatres worldwide on 1st September, 2023. #RadhikaMadan@SirPareshRawal@Sudha_Kongara #Jyotika@Suriya_offl @vikramix @rajsekarpandian @Abundantia_Ent@2D_ENTPVTLTD@CaptGopinath@sikhyaent@gvprakash pic.twitter.com/OW9NjKkmAy

— Akshay Kumar (@akshaykumar) March 21, 2023