5ജി പ്രഖ്യാപിച്ച് അഞ്ച് മാസത്തിന് ശേഷം 6ജി ടെസ്റ്റ്‌ബെഡിന് ഒരുങ്ങി ഇന്ത്യ; പ്രഖ്യാപനവുമായി പ്രധാനമന്ത്രി നരേന്ദ്ര മോദി

ന്യൂഡൽഹി : രാജ്യത്ത് 5ജി പ്രഖ്യാപിച്ച് അഞ്ച് മാസത്തിന് ശേഷം 6ജി സേവനം ലഭ്യമാക്കാൻ ഒരുങ്ങി ഇന്ത്യ. ഇതിന്റെ ഭാഗമായി പ്രധാനമന്ത്രി നരേന്ദ്രമോദി ബുധനാഴച ഭാരത് 6ജി വിഷൻ ഡോക്യുമെന്റ് അനഛാദനം ചെയ്യുകയും 6ജി ടെസ്റ്റ് ബെഡ് പ്രഖ്യാപിക്കുകയും ചെയ്തു.

വയർലെസ് കമ്മു്യൂണിക്കേഷൻ ടെക്‌നോളജിയുടെ അടുത്ത ഘട്ടമായ 6ജിയുടെ പുതിയ സാങ്കേതികവിദ്യകളും ഗവേഷണ പുരോഗതികളും പരിശോധിക്കുന്നതിനും പരിഹരിക്കുന്നതിനും 6ജി ടെസ്റ്റ് ബെഡ് ഉപയോഗിക്കും. 6ജി സേവനത്തിന്റെ തുടക്കത്തിനുള്ള നട
പടിക്രമങ്ങൾ ആരംഭിക്കുന്നതിനൊപ്പം യുഎന്നിന്റെ അന്താരാഷ്‌ട്ര ടെലിക്കമ്മ്യൂണിക്കേഷൻ യുണിയന്റെ ഏരിയ ഓഫീസും പ്രധാനമന്ത്രി ഡൽഹിയിൽ ഉദ്ഘാടനം ചെയ്തു. ഐടിയുവിന്റെ വേൾഡ് ടെലികമ്മ്യൂണിക്കേഷൻ സ്റ്റാൻഡേർഡൈസേഷൻ അസംബ്ലി ഡൽഹിയിൽ നടത്തുമെന്ന കാര്യം പ്രഖ്യാപിക്കുന്നതിൽ സന്തോഷമുണ്ടെന്നും ഉദ്ഘാടന വേളയിൽ പ്രധാനമന്ത്രി പറഞ്ഞു.

വരും വർഷങ്ങളിൽ ഇന്ത്യ 100 5ജി ലാബുകൾ സ്ഥാപിക്കാൻ തയ്യാറെടുക്കുകയാണെന്നും പ്രധാനമന്ത്രി അറിയിച്ചു. 6ജിയുടെ രൂപീകരണത്തിനായി പ്രത്യേകം രൂപകൽപ്പന ചെയ്ത സംവിധാനമാണ് 6ജി ടെസ്റ്റ് ബെഡ്. പുതിയ കാര്യങ്ങൾ പരീക്ഷിക്കാൻ സാധിക്കുന്ന പ്ലാറ്റ്‌ഫോമിന് സമമാണ് ടെസ്റ്റ്‌ബെഡ്. ഇതിലൂടെ ഗവേഷകർക്ക് നെറ്റ്‌വർക്കുകളെ ബാധിക്കാതെ പരീക്ഷണങ്ങൾ നടത്തുകയും വിലയിരുത്തുവാനും സാധിക്കും.