മലയാളികൾക്ക് ഏറെ പ്രിയപ്പെട്ട താരമാണ് അപർണ ബാലമുരളി. സിനിമയിൽ എത്തിയ ചുരുങ്ങിയ കാലംകൊണ്ടു തന്നെ തന്റെ സ്ഥാനം കയ്യടക്കാൻ കഴിഞ്ഞ നടി കൂടിയാണ് അപർണ. സോഷ്യൽ മീഡിയയിൽ അത്ര സജീവമല്ലെങ്കിലും അപർണ പങ്കുവെക്കുന്ന പോസ്റ്റുകളെല്ലാം ശ്രദ്ദേയമാണ്. എന്നാൽ ഇപ്പോൾ താരമെത്തിയിരിക്കുന്നത് ഒരു ഇടിവെട്ട് ഫോട്ടോയുമായാണ്.
നടൻ രജനികാന്തിന് ഒപ്പമുള്ള ഫോട്ടോയാണ് അപർണ ബാലമുരളി പങ്കുവച്ചിരിക്കുന്നത്. വിമാനയാത്രക്കിടെ രജനാകാന്തിനൊപ്പം പകർത്തിയതാണ് ചിത്രം. ഫാൻ ഗേൾ മൊമന്റ് എന്നാണ് ഫോട്ടോയ്‌ക്ക് അപർണ നൽകിയ ക്യാപ്ഷൻ. ഇതിനോടകം നിരവധി പേരാണ് ചിത്രത്തിന് കമന്റുകളുമായി എത്തിയിരിക്കുന്നത്. ഇതിൽ കൂടുതലും ഇരുവരും ചേർന്ന് എന്നാണ് ഒരു സിനിമയിൽ അഭിനയിക്കുക എന്ന ചോദ്യങ്ങളാണ് കൂടുതലും.
സൂരറൈ പോട്ര് എന്ന ചിത്രത്തിലൂടെ തമിഴകത്തിനും പ്രിയപ്പെട്ട നായികയായി മാറിയിരിക്കുകയാണ് അപർണ. ചിത്രത്തിലെ മികച്ച പ്രകടനത്തിന് താരം ദേശീയ പുരസ്‌കാരവും നേടി.
Comments