കാലുകുത്താനാകാതെ രാഹുൽ; പ്രദേശിക നേതാക്കാൾ എതിർപ്പ് വിനയായി; തീയതി നീട്ടി കോൺഗ്രസ്

രാഹുൽ കോലാറിൽ എത്തില്ല. കഴിഞ്ഞ ദിവസം രാഹുലിന്റെ പ്രസ്താനവയ്‌ക്കെതിരെ കോലാറിലെ പ്രാദേശിക കോൺഗ്രസ് പ്രവർത്തകർ രംഗത്ത് വന്നിരുന്നു. എംപി സ്ഥാനത്തുനിന്ന് അയോഗ്യനാക്കിയതിന് ശേഷമുള്ള രാഹുലിന്റെ ആദ്യ പൊതുറാലിയാണിത്. ലോക്‌സഭാംഗത്വം നഷ്ടമാകാൻ കാരണമായ വിവാദ പ്രസംഗം രാഹുൽ നടത്തിയതും ഇതേ കോലാറിലായിരുന്നു.

കോലാറിൽ നിന്ന് കോൺഗ്രസ് നേതാവ് രാഹുൽ രാജ്യവ്യാപക പ്രക്ഷോഭം ഉദ്ഘാടനം ചെയ്യുമെന്ന് അറിയിച്ചിരുന്നു. എന്നാൽ ഇത് പലതവണ മാറ്റിവെച്ചിരുന്നു. ഏപ്രിൽ 10ന് സമരം ആരംഭിക്കാൻ രാഹുൽ കോലാറിൽ എത്തുമെന്നും അറിയിച്ചിരുന്നു.ന്നൊൽ ഇതെല്ലാം തെറ്റിച്ചുകൊണ്ട് രാഹുലിന്റെ യാത്ര വീണ്ടും മാറ്റിവച്ചു.

രാഹുൽ എത്തുന്നത് ദോഷം ചെയ്യുമെന്നുള്ള പ്രവർത്തകരുടെ വാദങ്ങൾ ശക്തമാകുന്നതിനിടയ്‌ക്കാണ് രാഹുലിന്റെ പിന്മാറ്റം. എന്നാൽ പ്രധാനമന്ത്രി ഏപ്രിൽ 9ന് കർണാടകയിൽ എത്തുമെന്നതും വലിയ പ്രതിസന്ധിയായാണ് കാണുന്നത്. കെപിസിസി പ്രസിഡന്റ് ഡികെ ശിവകുമാറും സംസ്ഥാന കോൺഗ്രസ് ചുമതലയുള്ള രൺദീപ് സുർജേവാലയും കോലാർ നേതാക്കളുടെ യോഗം ചേർന്ന് മാറ്റിവയ്‌ക്കുന്നത് ചർച്ച ചെയ്തു. പുതിയ തീയതി ഇതുവരെ നിശ്ചയിച്ചിട്ടില്ല.