ജാനകിയെ സ്വന്തമാക്കാൻ ഉണ്ണിമുകുന്ദൻ; പ്രണയ ജോഡികളായി സൈജുകുറുപ്പും നവ്യയും: പൊട്ടിച്ചിരിപ്പിക്കാൻ ‘ജാനകി ജാനേ’

സൈജുകുറുപ്പും നവ്യാ നായരും പ്രധാന കഥാപാത്രങ്ങളായെത്തുന്ന ജാനകി ജാനേയുടെ രണ്ടാം ടീസർ പുറത്തിറങ്ങി. നർമ്മത്തിന് പ്രാധാന്യം നൽകുന്ന ചിത്രമാണ് ജാനകി ജാനേ. ജാനകി എന്ന കഥാപാത്രത്തെ അവതരിപ്പിക്കുന്നത് നവ്യയാണ്. സൈജുകുറുപ്പിന്റെ കഥാപാത്രത്തിന്റെ പേര് ഉണ്ണി മുകുന്ദൻ എന്നാണ്. അനീഷ് ഉപാസനയാണ് ചിത്രത്തിന്റെ തിരക്കഥയും സംവിധാനവും നിർവ്വഹിക്കുന്നത്.

കാറളം ഗ്രാമത്തിലെ പ്രിന്റിംഗ് പ്രസ് ജീവനക്കാരിയായ ‘ജാനകി’യുടെ കഥയാണ് ചിത്രം പറയുന്നത്. ജാനകിയുടെ ജീവിതത്തിലുണ്ടായ ഒരു സംഭവം പിന്നീട് അവരുടെ ജീവിതത്തെ വേട്ടയാടുകയാണ്. അവളുടെ ജീവുതത്തിലേക്ക് പിഡബ്ള്യൂഡി കോൺട്രാക്റായ ‘ഉണ്ണി’യുടെ കടന്നുവരികയും പിന്നീടവർ വിവാഹിതരാവുകയും ചെയ്യുന്നതും തുടർന്ന് അവരുടെ ജീവിതത്തിലുണ്ടാകുന്ന സംഭവവികാസങ്ങൾ നർമ്മത്തിൽ ചാലിച്ച് അവതരിപ്പിക്കുകയാണ് ചിത്രം. ഹാസ്യവും പ്രണയവും കോർത്തിണക്കിയ ഹൃദയസ്‍പർശിയായ കുടുംബചിത്രമാണിത്.

ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ഷറഫുദ്ദീനാണ്. ജോണി ആന്റണി, കോട്ടയം നസീർ നന്ദു, പ്രമോദ് വെളിയനാട്, ജോർജ് കോരാ, ജോർഡി. പൂഞ്ഞാർ, സ്മിനു സിജോ, ഷൈലജ, അഞ്ജലി, എന്നിവരും പ്രധാന വേഷങ്ങളിൽ എത്തുന്നുണ്ട്. എങ്ങണ്ടിയൂർ ചന്ദ്രശേഖരൻ, മനു മഞ്ജിത്ത് എന്നിവരുടെ വരികൾക്ക് കൈലാസ് മേനോനാണ് ഈണം നൽകിയിരുക്കുന്നത്.

ശ്യാം പ്രകാശ് ഛായാഗ്രഹണവും , നനഫൽ അബ്ദുള്ള എഡിറ്റിംഗും നിർവ്വഹിക്കുന്നു. കലാസംവിധാനം – ജ്യോതിഷ് മേക്കപ്പ് – ശ്രീജിത്ത് ഗുരുവായൂർ, കോൺസ്റ്റു ഡിസൈൻ – സമീരാ സനീഷ്. ചീഫ് അസ്സോസ്സിയേറ്റ് ഡയറക്ടർ – രഘുരാമ വർമ്മ. അസ്സോസ്സിയേറ്റ് ഡയറക്ടർ – റെമീസ് ബഷീർ പ്രൊഡക്ഷൻ എക്സിക്യൂട്ടിവ് – അനീഷ് നന്ദിപുരം, ലൈൻ പ്രൊഡ്യൂസർ – ഹാരിസ് ദേശം. എക്സിക്കാട്ടി പ്രൊഡ്യൂസർ – രത്തിനാ എസ്. ക്യൂബ് ഫിലിംസിന്റെ ബാനറിൽ ഷെനുഗ. ഷെഗ്നാ . ഷെർഗ എന്നിവർ നിർമ്മിക്കുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു. കൽപ്പകാ റിലീസ് ഈ ചിത്രം പ്രദർശനത്തിനെത്തിക്കുന്നുത്.