മലപ്പുറം: നടൻ മാമുക്കോയയെ ആശുപത്രിയിൽ പ്രവേശിപ്പിച്ചു. മലപ്പുറം കാളികാവിൽ ഫുട്ബോൾ മത്സരത്തിന്റെ ഉദ്ഘാടന വേദിയിൽ വച്ച് കുഴഞ്ഞുവീണതിനെ തുടർന്നാണിത്. ദേഹാസ്വാസ്ഥ്യം അനുഭവപ്പെട്ടതോടെ വണ്ടൂരിലെ സ്വകാര്യ ആശുപത്രിയിൽ നടനെ പ്രവേശിപ്പിക്കുകയായിരുന്നു. തിങ്കളാഴ്ച രാത്രി പത്ത് മണിയോടെയാണ് സംഭവം. ഫുട്ബോൾ സംഘാടകരാണ് മാമുക്കോയയെ ആശുപത്രിയിൽ എത്തിച്ചത്. നിലവിൽ അദ്ദേഹത്തിന്റെ ആരോഗ്യനില അതീവ ഗൗരവതരമല്ല എന്ന വിവരമാണ് പുറത്തുവരുന്നത്.
