മുൻ മുഖ്യമന്ത്രി ഹേമവതി നന്ദൻ ബഹുഗുണയ്‌ക്ക് ശ്രദ്ധാഞ്ജലി അർപ്പിച്ച് യോഗി ആദിത്യനാഥ്

ലക്‌നൗ: ഉത്തർപ്രദേശ് മുൻ മുഖ്യമന്ത്രി ഹേമവതി നന്ദൻ ബഹുഗുണയ്‌ക്ക് ശ്രദ്ധാഞ്ജലി അർപ്പിച്ച് മുഖ്യമന്ത്രി യോഗി ആദിത്യനാഥ്. നന്ദൻ ബഹുഗുണയുടെ 104-ാം ജന്മവാർഷികദിനത്തിലാണ് യോഗി പുഷ്പാർച്ചന നടത്തിയത്.

महान स्वतंत्रता संग्राम सेनानी, उत्तर प्रदेश के पूर्व मुख्यमंत्री हेमवती नंदन बहुगुणा की जयंती पर उन्हें विनम्र श्रद्धांजलि!

देश एवं प्रदेश की सेवा में अपने योगदानों के लिए वे सदैव स्मरण किए जाएंगे। pic.twitter.com/kkQVcG7LBB

— Yogi Adityanath (@myogiadityanath) April 25, 2023

‘മുൻ മുഖ്യമന്ത്രിയായിരുന്ന ബഹുഗുണ രാജ്യത്തെ വിവിധ സ്വാതന്ത്ര്യ പ്രസ്ഥാനങ്ങളിൽ സജീവമായി പങ്കെടുത്തിട്ടുണ്ട്. അദ്ദേഹം ഒരു മികച്ച രാഷ്‌ട്രീയ പരിഷ്‌കർത്താവായിരുന്നു. സംസ്ഥാനത്തിന്റെ വികസനം ലക്ഷ്യമാക്കിയുള്ള കൃത്യമായ കാഴ്ചപ്പാട് ബഹുഗുണയ്‌ക്ക് ഉണ്ടായിരുന്നെന്നും രാഷ്‌ട്രത്തിനും സംസ്ഥാനത്തിനുമായി നടത്തിയ സേവനങ്ങളുടെ പേരിൽ അദ്ദേഹം എക്കാലവും ഓർമ്മിക്കപ്പെടും’എന്നും മുഖ്യമന്ത്രി യോഗി പറഞ്ഞു.

1919 ഏപ്രിൽ 25-ന് ഉത്തരാഖണ്ഡിലെ പൗരി ജില്ലയിലാണ് ബഹുഗുണ ജനിച്ചത്. വിദ്യാഭ്യാസത്തിന് ശേഷം സ്വാതന്ത്ര്യസമരത്തിൽ അദ്ദേഹം സജീവമായി പ്രവർത്തിച്ചിരുന്നു. 1973 മുതൽ 1975 വരെയുള്ള കാലയളവിൽ അദ്ദേഹം ഉത്തരപ്രദേശിന്റെ മുഖ്യമന്ത്രിയായി പ്രവർത്തിച്ചു. ഇന്ദിരാഗാന്ധിയുടെ ഏകാധിപത്യത്തെ തുടർന്ന് പാർട്ടി വിട്ട അദ്ദേഹം ജനതാ സർക്കാരിൽ ധനകാര്യ, കെമിക്കൽസ് ആൻഡ് ഫെർട്ടിലൈസേഴ്സ് വകുപ്പ് മന്ത്രിയായും സേവനമനുഷ്ടിച്ചു.