പ്രശസ്ത താരം കിം കാർദാഷിയാന്റെ അപരയും ഓൺലിഫാൻസ് മോഡലുമായ ക്രിസ്റ്റീന ആഷ്ടെൻ അന്തരിച്ചു. 34-ാം വയസിൽ ഹൃദയാഘാതത്തെ തുടർന്നായിരുന്നു അന്ത്യം. പ്ലാസ്റ്റിക് സർജറിക്ക് പിന്നാലെയായിരുന്നു ക്രിസ്റ്റീനയ്‌ക്ക് ഹൃദയാഘാതം സംഭവിച്ചത്. മരണ വിവരം ഇൻസ്റ്റഗ്രാമിലൂടെയും ‘ഗോഫണ്ട്മി’ പേജിലൂടെയും കുടുംബാംഗങ്ങൾ സ്ഥിരീകരിച്ചു. താരത്തിന്റെ സംസ്‌കാര ചടങ്ങുകൾക്കായി പണം സമാഹരിക്കുന്നതിന് വേണ്ടി വീട്ടുകാർ തയ്യാറാക്കിയ പേജാണ് ഗോഫണ്ട്മി.
ഏപ്രിൽ 20നാണ് ക്രിസ്റ്റീന മരിച്ചതെന്നാണ് റിപ്പോർട്ട്. ശസ്ത്രക്രിയയ്‌ക്ക് വിധേയയാതിന് പിന്നാലെയാണ് ഹൃദയാഘാതം സംഭവിച്ചത് എന്നതിനാൽ മരണത്തെക്കുറിച്ച് വിശദമായി അന്വേഷിക്കാൻ പോലീസിന് പരാതി നൽകുമെന്നും കുടുംബം അറിയിച്ചു.
കാലിഫോർണിയ ആസ്ഥാനമായി ജോലി ചെയ്യുന്ന മോഡലാണ് ക്രിസ്റ്റീന. ഇൻസ്റ്റഗ്രാമിൽ 6 ലക്ഷത്തിലധികം ഫോളോവേഴ്‌സ് താരത്തിനുണ്ട്. പ്രശസ്ത നടിയും വ്യവസായ പ്രമുഖയുമായ കിം കാർദാഷിയാനുമായി സാമ്യമുള്ളതിനാലാണ് ക്രിസ്റ്റീന ലോകത്തിന്റെ ശ്രദ്ധയാകർഷിച്ചത്.
Comments