പത്തനംതിട്ട: കുഴമന്തിയിൽ നിന്ന് പുഴുവിനെ ലഭിച്ചതായി പരാതി. പത്തനംതിട്ട അടൂർ ഗാന്ധി പാർക്കിന് സമീപത്തുള്ള അറേബ്യൻ ഡ്രീംസ് എന്ന ഹോട്ടലിലിൽ നിന്നാണ് പിഴുവരിച്ച നിലയിലുള്ള ഭക്ഷണ സാധനങ്ങൾ കണ്ടെത്തിയത്. സംഭവമറിഞ്ഞ് അന്വേഷിക്കാനെത്തിയ ആരോഗ്യവിഭാഗം പിടിച്ചെടുത്തത് പുഴുവരിക്കുന്ന മാംസങ്ങളും ഉപയോഗശൂന്യമായ പഴക്കം ചെന്ന ഭക്ഷണങ്ങളുമാണ്.
പരിശോധനയ്‌ക്കിടെ ഹോട്ടലിന് പുറകുവശത്ത് സൂക്ഷിച്ചിരുന്ന ഫ്രീസർ തുറന്നപ്പോൾ ഉദ്യോഗസ്ഥർ കണ്ടത് ഞെട്ടിക്കുന്ന കാഴ്ചയാണ്. ഹോട്ടലിലെത്തുന്നവർക്ക് നൽകാനായി സൂക്ഷിച്ച ചിക്കനിലുംഷവർമയിലുമാണ് പുഴുവരിച്ച നിലയിൽ കണ്ടെത്തിയത്. കോഴിയിറച്ചിയിലും മറ്റ് ഭക്ഷണപദാർത്ഥങ്ങളിലും പുഴുക്കൾ പെറ്റുപെരുകിയിരുന്നു. പിടികൂടിയ ഭക്ഷണ പദാർത്ഥങ്ങൾ ഉദ്യോഗസ്ഥർ പൂർണമായും നശിപ്പിച്ചു.
ആരോഗ്യ ഉദ്യോഗസ്ഥർ ഹോട്ടൽ അടച്ചുപൂട്ടി. ഹോട്ടൽ ഉടമയ്‌ക്കെതിരെ ക്രിമിനൽ നടപടികൾ ആരംഭിക്കുമെന്നും ഭക്ഷ്യസുരക്ഷാ വിഭാഗം അറിയിച്ചു.
Comments