മിഥുന മാസം (2023 ജൂൺ 16 മുതൽ ജൂലൈ 16 വരെ) നിങ്ങൾക്കെങ്ങനെ

2023 ജൂൺ 16 ന് മിഥുന മാസം ആരംഭിക്കുകയും ജൂലൈ 16 ന് അവസാനിക്കുകയും ചെയ്യും.

ഗ്രഹ സ്ഥിതി: വ്യാഴം മേടത്തിലും ശുക്രനും ചൊവ്വയും കർക്കിടക രാശിയിലും നിൽക്കുന്നു. രാഹുമേടത്തിലും കേതുതുലാത്തിലും തുടരുകയാണ്. ബുധൻ ഇടവത്തിലും ശനി കുംഭത്തിലും തുടരുന്നു.

പൊതുവായ ഫലം: സ്ത്രീകൾ മൂലം രാഷ്‌ട്രീയത്തിൽ ഉള്ളവർക്ക് അപവാദം കേൾക്കേണ്ടി വരും. വീണ്ടും ചില അപകടങ്ങൾ സംഭവിക്കാൻ സാധ്യത. കാറ്റിന്റെ ഗതി ദിശ മാറി നാശ നഷ്ടങ്ങൾ ഉണ്ടാകും. പല വിധത്തിലുള്ള രോഗങ്ങൾ കൂടുന്ന സമയം ആണ്. ഭക്ഷ്യ വിഷബാധ വരാൻ സാധ്യത. കോടതിപരമായ കാര്യങ്ങളിൽ സർക്കാരിന് തിരിച്ചടി ഉണ്ടാവാൻ സാധ്യത. പ്രമുഖ വ്യക്തികൾക്ക് വാഹന അപകടം സംഭവിക്കുന്ന കാലമാണ്. അഗ്നിയുടെ താണ്ഡവം തീർന്നിട്ടില്ല.

ഈ കാലയളവിൽ 27 നക്ഷത്രജാതരുടെയും ജ്യോതിഷപ്രകാരമുള്ള പൊതുഫലം, അവരവരുടെ ജന്മ ഗ്രഹനില പോലെ ഈ ഫലങ്ങൾ കൂടിയും കുറഞ്ഞും അനുഭവത്തിൽ വരാം.

ശനിയുടെ വക്രഗതി 2023 ജൂൺ 17 മുതൽ; നിങ്ങളുടെ സ്ഥിതി എങ്ങിനെ; ഭാഗ്യം തെളിയുമോ.?(ക്ലിക്ക് ചെയ്യുക)

മേടം രാശി: (അശ്വതി ഭരണി,കാർത്തിക ആദ്യ 1/4 ഭാഗം)

സർക്കാർ സംബന്ധമായി ജോലി അന്വേഷിക്കുന്നവർക്ക് അനുകൂലമായ സമയമാണ്. വളരെക്കാലമായി രോഗങ്ങൾ ഉണ്ടായിരുന്നവർക്കു അസുഖങ്ങൾ മാറി ആരോഗ്യം തിരികെ വരുന്ന സമയം കൂടിയാണ്. ജനങ്ങളാൽ അംഗീകരിക്കപ്പെടുകയും കീർത്തി, ധനലാഭം, ശത്രുനാശം, എന്നിവ ലഭിക്കുന്ന മാസമായിരിക്കും. കുടുംബ ബന്ധുജനങ്ങളുമായും ദമ്പതിമാർ തമ്മിലും ഒത്തുതീർപ്പിൽ എത്തും. എവിടെയും മാന്യത, മനഃസുഖം, പുതിയ വീടിനുള്ള ഭാഗ്യം, ആടയാഭരണലബ്‌ധി, പരോപകാര താല്പര്യം എന്നിവയും ഒത്തു വരാൻ ചിലരിൽ സാധ്യത ഉണ്ട്.

ഇടവം രാശി: (കാർത്തിക 3/4 ഭാഗം രോഹിണി, മകയിര്യം ആദ്യ 1/2 ഭാഗവും)

കട ബാധ്യത ഉണ്ടായിരുന്നവർക്കു ബാധ്യത കൂടുന്ന സമയമാണ്. ബിസിനസ്സിലും കൃഷി സംബന്ധമായി ജോലി ചെയ്യുന്നവർക്ക് നഷ്ട്ടം വരുന്ന സമയമായിരിക്കും, ശ്രദ്ധയോടെ കാര്യങ്ങൾ ചെയ്യുക. കണ്ണ് സംബന്ധമായി അസുഖങ്ങൾ സൂക്ഷിക്കുക. ത്വക്ക് സംബന്ധമായും ശിരോരോഗങ്ങളും സംബന്ധമായും വരുന്ന സൂചനകൾ അവഗണിക്കാതിരിക്കുക. ദാമ്പത്യ കാര്യങ്ങളിൽ പൊരുത്തക്കേട് കൂടും. തൊഴിൽ ചെയ്യുന്നവർക്ക് അദ്ധ്വാനത്തിന് തക്കപ്രതിഫലം കിട്ടില്ല. സുഹൃത്തുക്കളെ തിരഞ്ഞെടുക്കുമ്പോൾ സൂക്ഷിക്കുക ചതി വരാൻ സാധ്യത. വേണ്ടപ്പെട്ടവരിൽ നിന്നും ഗുണം ഉണ്ടാവില്ല. ഈശ്വര ഭജനം, പക്കനാൾ തോറും അമ്പലദർശനം, ഗ്രഹസ്ഥിതി നോക്കി പരിഹാരം ചെയ്യുക ഇവ ഒക്കെ ദുരിതം കുറയ്‌ക്കും.

മിഥുനം രാശി: (മകയിര്യം 1/2 ഭാഗം ,തിരുവാതിര, പുണർതം ആദ്യ 3/4 ഭാഗം)

ആരോഗ്യകാര്യങ്ങളിൽ വളരെ അധികം ശ്രദ്ധിക്കേണ്ട മാസമാണ്. ഉഷ്ണരോഗം, ഹൃദ്രോഗം എന്നിവക്ക് സാധ്യത. സംസാരത്തിൽ മിതത്വവും ആഹാരകാര്യങ്ങളിൽ ശുചിത്വവും വളരെ അധികം ശ്രദ്ധിക്കുക. വാഹനങ്ങൾ ഓടിക്കുന്നവർ സൂക്ഷിക്കുക. വാഹന അപകടങ്ങൾ സംഭവിച്ചു ഒടിവും ചതവും ഉണ്ടാവാൻ സാധ്യത. ധനപരമായി വരവിൽ കവിഞ്ഞ ചെലവ്, സ്വത്തുവകകളിൽ നഷ്ട്ടം എന്നിവയും പ്രതീക്ഷികാം. ക്ഷമാശീലം, ഈശ്വരഭജനം, പരിഹാര ക്രിയകൾ അനിവാര്യം.

കർക്കിടകം രാശി: (പുണർതം 1/4, പൂയം, ആയില്യം)

അനാവശ്യമായ ചീത്തക്കൂട്ടുകെട്ട് വഴി ധനനഷ്ടവും മാനഹാനിയും സംഭവിക്കും. ബന്ധുജനങ്ങളുമായി അഭിപ്രായ വ്യത്യാസവും തുടർന്ന് വീട് വിട്ട് മാറി നിൽക്കേണ്ട അവസ്ഥ ഉണ്ടാവും, ആത്മസംയമനം പാലിക്കുക. വിദേശ യാത്രക്ക് ശ്രമിക്കുന്നവർക്കു കാലം അനുകൂലമാണ്. തൊഴിൽ സംബന്ധമായി വളരെ അധികം ജാഗ്രത പുലർത്തേണ്ട സമയം ആണ്. ജോലി നഷ്ടമാകാൻ സാധ്യത ഉണ്ട്. ദമ്പതികൾ തമ്മിൽ സ്വരച്ചേർച്ച കുറയാതെ നോക്കുക. എവിടെയും തടസങ്ങൾ ഉണ്ടാവും. ആരോഗ്യ കാര്യങ്ങളിൽ ശ്രദ്ധിക്കുക. കുടുംബത്തിൽ വേണ്ടപ്പെട്ടവരുടെ വിയോഗം ഉണ്ടാവും. അഹംഭാവം വെടിഞ്ഞു ചിട്ടയായ ശീലങ്ങൾ കൊണ്ടു ദുരിത ഫലങ്ങൾ കുറയും. ഇഷ്ടദേവത ദർശനം ഗുണം ചെയ്യും.

ചിങ്ങം രാശി: (മകം, പൂരം,ഉത്രം ആദ്യ 1/4 ഭാഗം)

വളരെക്കാലമായി കുടുംബന്ധു ജനങ്ങളുമായി ഉണ്ടായിരുന്ന പിണക്കങ്ങൾ മാറി രമ്യതയിൽ ആകും. ജോലി അനേഷിക്കുന്നവർക്ക് അർഹമായ ജോലി കിട്ടും. വളരെകാലമായി വിദേശത്തു പോകാൻ ആഗ്രഹിക്കുന്നവർക്കു സ്വപ്നം പൂവണിയും. ബിസിനസ്സ് കാര്യങ്ങളിൽ വൻ പുരോഗതി ദൃശ്യമാകും. എന്ത് പ്രവർത്തനങ്ങളിൽ ഏർപെട്ടാലും ലാഭത്തിൽ ആയി വരും. ആരോഗ്യ കാര്യത്തിലും സാമ്പത്തീക കാര്യത്തിലും പുരോഗതി ദൃശ്യമാകും.വിവാഹം ആകാത്തവർക്കു നല്ല ബന്ധങ്ങൾ വന്നുചേരും. വരുന്ന അവസരങ്ങൾ സംശയിച്ചു നിന്നു നഷ്ടപ്പെടുത്താതെ ഇരിക്കുക.

കന്നി രാശി: (ഉത്രം 3/4,അത്തം,ചിത്തിര ആദ്യ 1/2 ഭാഗം)

വളരെ നല്ല മാസമായിരിക്കും. എല്ലാ കാര്യങ്ങളിലും ശുഭാപ്‌തി വിശ്വാസവും വിജയവും ഉണ്ടാവും. കുടുംബ ബന്ധു ജനങ്ങളുമായോ ഏറ്റവും വേണ്ടപ്പെട്ട സുഹൃത്തുക്കളിൽ നിന്നോ വളരെ കാലമായി ഉണ്ടായിരുന്ന പിണക്കം മാറി രമ്യതയിൽ എത്തി ചേരും. അധികാര സ്‌ഥാനങ്ങളിൽ ഇരിക്കുന്നവർക്കു സ്ഥാനക്കയറ്റം ഉണ്ടാവും. ധനപരമായി ഉണ്ടായിരുന്ന പ്രശ്നങ്ങൾക്ക് പരിഹാരം ഉണ്ടാവും. വിചാരിക്കുന്ന കാര്യങ്ങൾ നടക്കുന്ന മാസമാണ്.ആരോഗ്യ കാര്യങ്ങളിൽ പുരോഗതി ഉണ്ടാവും . വിവാഹാഭാഗ്യവും ഭാര്യയും ഭർത്താവുമായി ചേർച്ചയും ഉണ്ടാവും.

തുലാം രാശി: (ചിത്തിര അവസാന 1/2 ഭാഗം ,ചോതി, വിശാഖും ആദ്യ 3/4 ഭാഗം)

അനാവശ്യമായ കോപശീലം പല തരത്തിലുള്ള ബുദ്ധിമുട്ടുകൾക്കും വഴിവെക്കും. മറ്റുള്ളവരെ കബളിപ്പിക്കുന്ന സ്വഭാവം മാനഹാനി- അപമാനം എന്നിവയിൽ കലാശിക്കും. ആഡംബര പ്രിയത്വ൦ ചെലവ് നിയന്ത്രിക്കാൻ പറ്റാത്ത അവസ്ഥ ഉണ്ടാക്കും. വിചാരിക്കാത്ത സമയത്ത് ആപത്തും രോഗവും വരും. ആശുപത്രിവാസവും സർജറിയും വരുന്ന സമയം ആണ്. ഏറ്റവും വേണ്ടപ്പെട്ടവരുടെ വിയോഗം താങ്ങാൻ പറ്റാത്ത അവസ്ഥ ഉണ്ടാക്കും. സഹപ്രവർത്തകരുടെയോ മേലധികാരികളുടെയോ അപ്രീതി മൂലം ജോലി നഷ്ടപ്പെടും.ഈശ്വര വിശ്വാസക്കുറവ്, യാത്രാക്ലേശം വർദ്ധിക്കും. ജാതകം പരിശോധിച്ചു പരിഹാരം ചെയ്യുന്നത് ദുരിതങ്ങൾ കുറയ്‌ക്കും. ഭജനം, വൃതാനുഷ്ടാനം എന്നിവ അനിവാര്യം.

വൃശ്ചികം രാശി: (വിശാഖവും അവസാന 1/4 ഭാഗം അനിഴം, തൃക്കേട്ട

ചിലർക്ക് ചിട്ടി സംബന്ധമായോ മറ്റേതെങ്കിലും പണമിടപാട് സംബന്ധിച്ചോ കോടതിയിൽ നിന്നോ ആദായ വകുപ്പിൽ നിന്നോ നോട്ടീസ് വരുകയും റിമാൻഡിൽ ആകുകയും ചെയ്യും. കുടുംബ ബന്ധുജനങ്ങൾ മൂലം നഷ്ട്ടം സംഭവിക്കുകയോ രോഗങ്ങൾ കണ്ടുപിടിക്കാൻ പറ്റാത്ത അവസ്ഥയോ ഉണ്ടാകും. അഗ്‌നി സംബന്ധമായി തൊഴിലുകൾ ചെയ്യുന്നവർ വളരെ അധികം സൂക്ഷിക്കേണ്ട സമയം ആണ്. ഭാര്യയുമായും ബന്ധുക്കളുമായും അഭിപ്രായ വ്യത്യാസം കലഹം എന്നിവ ഉണ്ടാവാൻ സാധ്യത. ജാഗ്രത പുലർത്തുക. ചെറിയ വീഴ്ച പോലും വലിയ ദുരിതം ആയി ഭവിക്കും.

ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)

സർക്കാർ സംബന്ധമായി സാമ്പത്തികമായ കാര്യങ്ങളിൽ അന്വേഷണം നേരിടേണ്ടി വരും. കുടുംബക്കാരുമായും ഭാര്യാഭർതൃ സന്താന കലഹം പ്രതീക്ഷികാം. സുഹൃത്തുക്കളുമായി പിണങ്ങേണ്ടി വരും. സ്ത്രീകൾ മൂലം അപവാദം കേൾക്കുകയും വിരോധം ഉണ്ടാവുകയും ചെയ്യും. അർശസ്, ഉദര സംബന്ധമായി അസുഖങ്ങൾ എന്നിവ അലട്ടും. സഞ്ചാരംമൂലം ദോഷാനുഭവങ്ങൾ ഉണ്ടാവും. മാനസീകമായി പല ബുദ്ധിമുട്ടുകൾ ഉണ്ടാവും.

മകരം രാശി: (ഉത്രാടം അവസാന 3/4, തിരുവോണം, ആദ്യ അവിട്ടം 1/2 ഭാഗം)

ആഗ്രഹങ്ങൾ നടക്കുന്ന മാസമാണ്. ശത്രുവിനു അധഃപതനം, തൊഴിൽപരമായ വളരെ അധികം വിജയം നേടുന്ന മാസമാണ്. ഉയർന്ന സ്ഥാനലബ്ധി, എവിടെയും മാന്യത, രോഗങ്ങൾ മാറി ആരോഗ്യം വർദ്ധിക്കുക, പ്രവർത്തന വിജയം, പ്രശസ്‌തി, ആടയാഭരണ അലങ്കാര വസ്‌തുക്കളുടെ വർദ്ധനവ്, മനഃസന്തോഷം, ധനനേട്ടം, ഭാര്യ -പുത്ര സുഖം എന്നിവയ്‌ക്ക് സാധ്യത. കോടതി വിധികൾ അനുകൂലമാകുന്ന സമയം ആണ്. അന്യ ജനങ്ങളിൽ നിന്നും ഗുണം ഉണ്ടാവും.

കുംഭം രാശി: (അവിട്ടം അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)

തൊഴിൽ രംഗത്തും ബിസിനെസ്സ് സംബന്ധമായും ശത്രുത കൂടുന്ന മാസമാണ്. ചില ബന്ധു ജനങ്ങളുമായി കലഹത്തിനും തുടർന്ന് ശത്രുതയിൽ ആവാനും സാധ്യത ഉണ്ട്. കോടതി സംബന്ധമായി അപ്രതീഷിതമായ തിരിച്ചടികൾ ഉണ്ടാവാനും ജയിലിൽ പോകാനും സാധ്യത. ആരോഗ്യ കുറവും രോഗം കാഠിന്യം കൂടുകയും ചെയ്യും.തീരുമാനങ്ങളിൽ ഉറച്ചുനിൽക്കാനാവാത്ത അവസ്ഥ ഉണ്ടാവും. മനസ്സിന് പേടി ഉണ്ടാവുന്ന അവസ്ഥകൾ വരാൻ സാധ്യത. ഒപ്പ് വളരെ ജാഗ്രതയോടെ ഉപയോഗിക്കുക.

മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
ലഹരി വസ്തുക്കളിൽ താത്പര്യം കൂടുന്ന മാസമാണ്. സ്ത്രീകൾ മൂലം മാനഹാനി, ധന നഷ്ട്ടം എന്നിവയും കുടുംബ ബന്ധുജനങ്ങളുമായും ഭാര്യയും ആയി കലഹവും ഉണ്ടാവും സ്വത്ത് സംബന്ധിച്ചു ഉള്ള തർക്കം രൂക്ഷമാകും. സാമ്പത്തീകമായി ബുദ്ധിമുട്ടുകൾ വരും. കേസുകൾ ഉണ്ടാവാൻ സാധ്യത. വരുമാനമാര്ഗങ്ങളിൽ ഗണ്യമായ കുറവ് വരും.ഭക്ഷണ കാര്യങ്ങളിൽ ശ്രദ്ധിക്കുക ഭക്ഷ്യവിഷബാധ വരാതെ സൂക്ഷിക്കുക.

ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)ജൂൺ 16 മുതൽ ജൂലൈ 16 വരെ

Monthly Prediction by Jayarani E.V / 2023 June 16 to July 16