മലയാള സിനിമയിലേക്ക് പുതിയൊരു അവതരണവുമായി’ജെറി’. നവാഗതനായ അനീഷ് ഉദയാണ് ചിത്രം സംവിധാനം ചെയ്യുന്നത്. ജെ സിനിമ കമ്പനിയുടെ ബാനറിൽ ജെയ്സണും ജോയ്‌സണും ചേർന്ന് നിർമ്മിക്കുന്ന ചിത്രമാണ് ജെറി. ജെ സിനിമ കമ്പനിയുടെ ആദ്യ നിർമ്മാണ സംരംഭം കൂടിയാണിത്. പൂർണമായും എലിയെ കേന്ദ്രീകരിച്ചുള്ള കഥകളും രംഗങ്ങളുമാണ് ചിത്രത്തിലുടനീളം ചിത്രീകരിക്കുന്നത്.
കോട്ടയം നസീറും പ്രമോദ് വെളിയനാടും നിറഞ്ഞ് നിന്ന ‘ജെറി’യുടെ ഫസ്റ്റ് ലുക്ക് പോസ്റ്റർ വ്യത്യസ്തത നിറഞ്ഞതായിരുന്നു. ജെറി നാട്ടിൽ ഉണ്ടാക്കുന്ന പ്രശ്‌നങ്ങളും അത് അനുഭവിക്കേണ്ടി വരുന്നവരുടെ ജീവിതവും കാണിച്ച് തികച്ചും വ്യത്യസ്തമായ രീതിയിലാണ് ചിത്രത്തിന്റെ രംഗങ്ങൾ അവതരിപ്പിക്കുന്നത്. ജെറിയെ എങ്ങനെയാണ് ചിത്രത്തിൽ പരിചയപ്പെടുത്തുന്നതെന്ന കാര്യം ആകാംഷ നിറഞ്ഞതാണ്. പുതുമുഖങ്ങൾക്ക് പ്രാധാന്യം നൽകികൊണ്ട് നിർമ്മിക്കുന്ന ചിത്രമാണ് ജെറി. മലയാളത്തിലെ ചില എലിക്കഥകളെ ഓർമ്മിപ്പിക്കുന്ന രീതിയിലാണ് ചിത്രം ആവിഷ്‌കരിച്ചിരിക്കുന്നത് എന്നാണ് സൂചന.
Comments