ലോകത്തിൽ ഇതുവരെ രേഖപ്പെടുത്തിയതിൽ ഏറ്റവും ചൂട് കൂടിയ ദിനമായി ജൂലൈ മൂന്ന് രേഖപ്പെടുത്തി. യുഎസ് നാഷണൽ സെന്റർ ഫോർ എൻവയോൺമെന്റൽ പ്രൊഡക്ഷൻ പുറത്തു വിട്ട ഔദ്യോഗിക കണക്ക് പ്രകാരമാണ് 2023 ജൂലൈ മൂന്ന് ആഗോളതലത്തിൽ ഏറ്റവും ചൂടേറിയ ദിനമായി രേഖപ്പെടുത്തിയിരിക്കുന്നത്. ദേശീയമാദ്ധ്യമങ്ങളാണ് ഔദ്യോഗിക വിവരം പുറത്തു വിട്ടത്.
കാലാവസ്ഥാ വ്യതിയാനവും ഉയർന്ന് വരുന്ന എൽ നിനോ പ്രതിഭാസവുമാണ് ഇത്തരത്തിൽ ചൂട് കൂടാൻ കാരണമെന്നാണ് നിഗമനം. വരാനിരിയ്‌ക്കുന്ന ദിവസങ്ങളിൽ ഇനിയും ചൂട് വർദ്ധിയ്‌ക്കാൻ സാദ്ധ്യതയുണ്ടെന്നാണ് ശാസ്ത്രജ്ഞർ മുന്നറിയിപ്പ് നൽകിയിരിക്കുന്നത്. ജൂലൈ മൂന്നിന് ശരാശരി ആഗോള താപനില 17.01 ഡിഗ്രി സെൽഷ്യസിൽ എത്തി.
ഇങ്ങനെ ആഗോളതലത്തിൽ ഏറ്റവും ചൂടേറിയ ദിനമായി ജൂലൈ മൂന്ന് രേഖപ്പെടുത്തുകയായിരുന്നു. ഇതിന് മുൻപ് ഉയർന്ന താപനിലയായി രേഖപ്പെടുത്തിയിരുന്നത് ശരാശരി 16.92 ഡിഗ്രി സെൽഷ്യസ് ആയിരുന്നു. 2016 ഓഗസ്റ്റിലായിരുന്നു ഇത് രേഖപ്പെടുത്തിയത്. ശരാശരി ആഗോളതാപനിലയെ അടിസ്ഥാനമാക്കിയാണ് ചൂടേറിയ ദിവസം കണക്കാക്കുക. ഈ ദിവസം വടക്കേ ആഫ്രിക്കയിൽ 0 ഡിഗ്രി സെൽഷ്യസിനടുത്ത് ചൂട് രേഖപ്പെടുത്തിയിരുന്നു. അന്റാർട്ടിക്കയിൽ ഉൾപ്പെടെ സാധാരണയിലും കൂടുതൽ താപനില ഉയർന്നിരുന്നു.
Comments