രണ്ടുവർഷത്തെ ഇടവേളയ്‌ക്ക് ശേഷമെത്തുന്ന ദിലീപ് ചിത്രം വോയ്സ് ഓഫ് സത്യനാഥന്റെ സെൻസറിംഗ് പൂർത്തിയായി. ചിത്രത്തിന് ക്ലീൻ യു സർട്ടിഫിക്കറ്റാണ് നൽകിയിരിക്കുന്നത്. കൈകോർക്കുമ്പോഴെല്ലാം പൊട്ടിച്ചിരി സമ്മാനിക്കാറുള്ള റാഫി-ദിലീപ് കോമ്പിനേഷൻ ഒരിക്കൽക്കൂടി ഒന്നിക്കുമ്പോൾ വലിയ ചിരി തന്നെയാണ് ആരാധകർ കാത്തിരിക്കുന്നത്. ജൂലൈ 14നാണ് ചിത്രം തിയേറ്ററുകളിലേക്കെത്തുന്നത്. നർമ്മത്തിനൊപ്പം സീരിയസ് കണ്ടന്റുകൂടിയാണ് ചിത്രം കൈകാര്യം ചെയ്യുന്നതെന്ന് അണിയറ പ്രവർത്തകർ ഇതിനിടെ വ്യക്തമാക്കിയിട്ടുണ്ട്.
ജോജു ജോർജ്, അനുപം ഖേർ, മകരന്ദ് ദേശ്പാണ്ഡെ, അലൻസിയർ ലോപ്പസ്, ജഗപതി ബാബു, ജാഫർ സാദിഖ് (വിക്രം ഫൈയിം),സിദ്ദിഖ്, ജോണി ആന്റണി, രമേഷ് പിഷാരടി, ജനാർദ്ദനൻ, ബോബൻ സാമുവൽ, ബെന്നി പി നായരമ്പലം, ഫൈസൽ, ഉണ്ണിരാജ, വീണാ നന്ദകുമാർ, സ്മിനു സിജോ,അംബിക മോഹൻ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഒപ്പം അനുശ്രീ അതിഥി താരമായി പ്രത്യക്ഷപ്പെടുന്നുണ്ട്.
പഞ്ചാബി ഹൗസ്, പാണ്ടിപ്പട, ചൈന ടൗൺ, തെങ്കാശിപ്പട്ടണം,റിംങ് മാസ്റ്റർ എന്നി ചിത്രങ്ങൾക്കു ശേഷം ദിലീപും റാഫിയും ഒന്നിക്കുന്ന ചിത്രമാണ് ‘ ‘വോയിസ് ഓഫ് സത്യനാഥൻ’. ബാദുഷ സിനിമാസിന്റേയും ഗ്രാന്റ് പ്രൊഡക്ഷൻസിന്റേയും ബാനറിൽ എൻ.എം ബാദുഷ, ഷിനോയ് മാത്യു, ദിലീപ്,രാജൻ ചിറയിൽഎന്നിവർ ചേർന്നാണ് ചിത്രം നിർമ്മിക്കുന്നത്.
Comments