അൽഹിലാലിന്റെ വമ്പൻ ഓഫർ നിരസിച്ച പിഎസ്ജിയുടെ ഫ്രഞ്ച് സ്‌ട്രൈക്കർ തനിക്ക് പണമല്ല മുഖ്യമെന്ന് പറഞ്ഞതായി റിപ്പോർട്ടുകൾ വ്യക്തമാക്കുന്നു. തന്റെ എക്കാലത്തെയും സ്വപ്‌ന ടീമായ സ്പാനിഷ് വമ്പന്മാരായ റയൽ മാഡ്രിലേക്ക് റോണോയുടെ പിൻഗാമിയായി എത്താനാണ് താരത്തിന് ആഗ്രഹം. ഇതോടെ സൗദി ക്ലബുമായി ഒരു ചർച്ചയ്‌ക്കും താരം തയ്യാറായില്ലെന്ന് ഫാബ്രിസോ റോമാനോ റിപ്പോർട്ട് ചെയ്യുന്നു. താരം റയലിന്റെ വ്യവസ്ഥകൾ അംഗീകരിച്ചതായും സൂചനയുണ്ട്.
പി.എസ്.ജിഅംഗീകരിച്ച 300 മില്യൺ യൂറോയുടെ അമ്പരപ്പിക്കുന്ന ഓഫറുമായെത്തിയ സൗദി ടീമുമായുള്ള ഏതെങ്കിലും തരത്തിലുള്ള ചർച്ചകൾ സൂപ്പർ താരം വേണ്ടെന്നുവെച്ചാണ് റിപ്പോർട്ടുകൾ വ്യക്തമാക്കുന്നത്. 24 കാരനായ സ്ട്രൈക്കറുമായി നേരിട്ട് ചർച്ച നടത്താനും ഒരു പ്രതിനിധി സംഘമെത്തിയെങ്കിലും താരം അവരെ കാണാൻ തായ്യാറായില്ലെന്നാണ് വിവരം. ചരിത്രത്തിലെ ഏറ്റവും വലിയ കൈമാറ്റത്തിനാണ് അൽഹിലാൽ വലയെറിഞ്ഞതെങ്കിലും ഫ്രഞ്ച് താരം അതിൽ കുടുങ്ങിയില്ല.
Comments