ഓസ്മാൻ ഡെംബലെ പാരീസിലേക്ക്, പി.എസ്.ജിയുടെ ഓഫർ സ്വീകരിക്കാൻ തയ്യാറെന്ന് താരം

അനിശ്ചിതത്വങ്ങൾക്കൊടുവിൽ ബാഴ്‌സയുടെ ഫ്രഞ്ച് സൂപ്പർതാരം ഓസ്മാൻ ഡെംബലെ പി.എസ്.ജിയിലേക്ക് പോകുമെന്ന് ഏറക്കുറെ ഉറപ്പായി. പാരീസ് ടീമിന്റെ നീക്കങ്ങൾക്ക് താരം പച്ചക്കൊടി കാട്ടിയതായി ഫാബ്രിസോ റൊമാനോ പറയുന്നു.ജൂലൈ 31വരെ 50 മില്യൺ യൂറോയുടെ റിലീസ് ക്ലോസ് നൽകി ഡെംബലെയെ ആർക്കും സ്വന്തമാക്കാം എന്നാണ് താരത്തിന്റെ കരാറിലെ റിലീസ് ക്ലോസ്.

അതിനാൽ പി.എസ്.ജി ഇന്ന് തന്നെ നീക്കം പൂർത്തിയാക്കേണ്ടതുണ്ട്. പി.എസ്.ജി
ഇപ്പോൾ ബാഴ്‌സലോണയെ ഔദ്യോഗികമായി സമീപിച്ചിട്ടുണ്ട്. മറ്റൊരു ഫ്രഞ്ച് താരമായ കിലിയൻ എംബാപ്പെയുടെ ട്രാൻസർ മുൻകൂട്ടി കണ്ടാണ് ഡെംബലയെ ടീമിലെത്തിക്കാൻ ക്ലബ് തീരുമാനിച്ചത്.

25 മില്യണാകും 26കാരനായ താരത്തിന് ലഭിക്കുക. ഡെംബലെ ക്ലബ് വിടാൻ തയ്യാറാകുന്നത് ബാഴ്‌സലോണക്ക് വലിയ തിരിച്ചടിയാണ്. 26കാരൻ 2017 മുതൽ ബാഴ്‌സലോണക്ക് ഒപ്പം ഉണ്ട്. ഡോർട്മുണ്ടിൽ നിന്നായിരുന്നു താരം ബാഴ്‌സലോണയിൽ എത്തിയത്.2028 വരെയാകും താരത്തിന് കരാർ നൽകുകയെന്നാണ് വിവരം.