എന്തു കാര്യത്തെയും രാഷ്‌ട്രീയ കണ്ണിലൂടെയാണ് കാണുന്നത് ; വന്ദേ ഭാരത് കിട്ടില്ലെന്ന് തരംതാണ പ്രചാരണം വരെ നടത്തി ; കേരളത്തിന് റെയിൽവേ വികസനത്തിൽ താൽപര്യമില്ലെന്ന് അശ്വിനി വൈഷ്ണവ്

ന്യൂഡൽഹി ; കേരള സർക്കാരിന് റെയിൽവേ വികസനത്തിൽ താൽപര്യമില്ലെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. . ഡൽഹിയിൽ റെയിൽവേയുടെ മെഗാ നവീകരണ പരിപാടിയുടെ ഉദ്ഘാടനത്തിനു ശേഷം സംസാരിക്കുകയായിരുന്നു കേന്ദ്രമന്ത്രി.

കേരള സർക്കാർ എന്തു കാര്യം വന്നാലും അത് രാഷ്‌ട്രീയ കണ്ണിലൂടെ മാത്രമാണ് കാണുന്നത്. വന്ദേ ഭാരത് കേരളത്തിനു കിട്ടില്ല എന്നവിധം തരംതാണ രാഷ്‌ട്രീയ പ്രചാരണം നടത്തി. ഒരു സർവേ നടത്താൻ പോലും സർക്കാർ വളരെയധികം ബുദ്ധിമുട്ട് നേരിടുന്നെന്നും അദ്ദേഹം പറഞ്ഞു .

ഇന്ന് അമൃത് ഭാരത് പദ്ധതിയുടെ ഭാഗമായി രാജ്യത്തെ 508 റെയിൽവേ സ്റ്റേഷനുകൾ നവീകരിക്കുന്നതിനുള്ള പദ്ധതിക്ക് തുടക്കമിട്ടു. ഇതിൽ കേരളത്തിൽ 34, മലബാറിൽ 13 സ്റ്റേഷനുകൾ പദ്ധതിയുടെ ഭാഗമാണ്.