തിരുവനന്തപുരം: കഴിഞ്ഞ വർഷത്തെ ഓണം മഴയോട് കൂടിയായിരുന്നുവെങ്കിൽ ഇത്തവണ ചുട്ടു പൊള്ളും. ബുധനാഴ്ച വരെ താപനില ഉയർന്ന് നിൽക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം.
കൊല്ലത്ത് ഇന്നലെ 36 ഡിഗ്രി സെൽഷ്യസ് ആയിരുന്നു താപനില. ഇന്നത് മൂന്ന് ഡിഗ്രി വരെ ഉയർന്നേക്കാമെന്നാണ് പ്രവചനം. പത്തനംതിട്ട, ആലപ്പുഴ, കോട്ടയം, പാലക്കാട് എന്നീ ജില്ലകളിൽ സാധാരണയേക്കാൾ രണ്ട് ഡിഗ്രി വരെ താപം ഉയരും.
തിരുവനന്തപുരം, കോഴിക്കോട്, കണ്ണൂർ ജില്ലകളിൽ ഒന്ന് മുതൽ രണ്ട് ഡിഗ്രി വരെയും താപനില ഉയരാൻ സാദ്ധ്യതയുണ്ടെന്നാണ് മുന്നറിയിപ്പ്. പകൽ 11 മുതൽ ഉച്ചയ്‌ക്ക് രണ്ട് വരെ സൂര്യാഘാത സാദ്ധ്യതയുള്ളതിനാൽ ജനം ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു. സംസ്ഥാനത്ത് ഒരാഴ്ച മഴ ഉണ്ടാകില്ല എന്നാണ് പ്രവചനം.
Comments