അത്യാധുനിക സൗകര്യങ്ങളോടെ തലസ്ഥാനത്ത് നിന്ന് ബെം​ഗളൂരുവിലേക്ക് സർവ്വീസ് ആരംഭിച്ച് കെഎസ്ആർടിസി; സ്റ്റോപ്പുകളും സമയക്രമവും അറിയാം

തിരുവനന്തപുരം: അത്യാധുനിക സൗകര്യങ്ങളോടൊപ്പം തിരുവനന്തപുരത്ത് നിന്നും ബെം​ഗളൂരുവിലേക്ക് സർവ്വീസ് ആരംഭിച്ച് കെഎസ്ആർടിസി. ഹൈബ്രിഡ് ഹൈടെക് എസി സീറ്റർ കം സ്ലീപ്പർ ബസുകളാണ് ബെം​ഗളൂരുവിലേക്ക് സർവീസ് ആരംഭിച്ചിരിക്കുന്നത്. ഓൺലൈൻ റിസർവേഷനിലൂടെയാണ് ടിക്കറ്റുകളെടുക്കേണ്ടത്. ബസിന്‍റെ പ്രത്യേകതയും സ്റ്റോപ്പുകളും സമയക്രമവും അറിയാം.

ബസിന്‍റെ എല്ലാ സീറ്റുകളിലും, ബെർത്തുകളിൽ ചാർജിംഗ് സൗകര്യം, മൊബൈൽ ഫോൺ സൂക്ഷിക്കാനുള്ള മൊബൈൽ പൗച്ച്, ചെറിയ ഹാൻഡ് ബാഗേജുകൾ സൂക്ഷിക്കാൻ ലഗേജ് സ്പേസ് ഉൾപ്പെടെയുള്ള സൗകര്യങ്ങൾ എന്നിവയാണ് കെഎസ്ആർടിസി പുതുതായി ഒരുക്കിയിരിക്കുന്നത്. ബസിൽ സുരക്ഷയ്‌ക്ക് 2 എമർജൻസി വാതിലുകളും, നാല് വശത്തും എൽഇഡി ഡിസ്പ്ലേ ബോർഡും ഉണ്ട്. കൂടാതെ ഓൺലൈൻ ട്രാക്കിംഗ് സംവിധാനവും ഐ അലർട്ടുമാണ് പുതിയ ബസിന്റെ പ്രത്യേകത.

തിരുവനന്തപുരത്ത് നിന്ന് ഉച്ചയ്‌ക്ക് 2:30ന് സർവീസ് ആരംഭിക്കുന്ന ബസ് പിറ്റേന്ന് രാവിലെ എട്ട് മണിയ്‌ക്കാണ് ബെം​ഗളൂരുവിൽ എത്തുന്നത്. തിരിച്ചുള്ള ബസ് ഉച്ചയ്‌ക്ക് ഒരു മണിക്ക് ബെം​ഗളൂരുവിൽ നിന്നും യാത്ര തിരിച്ച് പിറ്റേന്ന് രാവിലെ 6:50ന് തിരുവനന്തപുരത്ത് എത്തിച്ചേരും. കൂടുതൽ സൗകര്യങ്ങളോട് കൂടിയ 2:1 സീറ്റുകൾ ഉള്ള 27 സീറ്റും, 15 സ്ലീപ്പർ സീറ്റുകളുള്ള ബസിൽ കാഫ് സപ്പോർട്ട് ഉള്ള സെമി സ്ലീപ്പർ സീറ്റുകളുമാണ് ഉള്ളത്.

തിരുവനന്തപുരത്തുനിന്ന് ആരംഭിച്ച് കോട്ടയം,തൃശൂർ, കോഴിക്കോട്, സുൽത്താൻബത്തേരി, മൈസൂർ വഴിയാണ് ബസ് ബം​ഗളൂരുവിൽ എത്തിച്ചേരുക. തിരുവനന്തപുരം – ബെം ഗളൂർ ഹൈബ്രിഡ് ഹൈടെക് എസി സീറ്റർ കം സ്ലീപ്പർ ബസ് തലസ്ഥാനത്ത് നിന്ന് 02:30ന് പുറപ്പടും തുടർന്ന് 06:40 പിഎം -കോട്ടയം, 10:25 പിഎം – തൃശൂർ, 01:30 എഎം – കോഴിക്കോട്, 03:45 എഎം – സുൽത്താൻ ബത്തേരി, 05:35 എഎം – മൈസ്സൂർ, 08:00 എഎം – ബെം​ഗളൂർ എത്തിച്ചേരും.

ബെം​ഗളൂർ – തിരുവനന്തപുരം ഹൈബ്രിഡ് ഹൈടെക് എസി സീറ്റർ കം സ്ലീപ്പർ ബസ് 01:00 പിഎം ആണ് സർവീസ് ആരംഭിക്കുക. 04:00 പിഎം -മൈസ്സൂർ, 06:20 പിഎം – സുൽത്താൻ ബത്തേരി, 09:15 പിഎം – കോഴിക്കോട്, 00:25 എഎം – തൃശൂർ 03:20 എഎം – കോട്ടയം, 06:50 എഎം – തിരുവനന്തപുരത്ത് എത്തിച്ചേരും. ടിക്കറ്റുകൾ www.onlineksrtcswift. com എന്ന ഓൺലൈൻ വഴിയും വെബ്സൈറ്റുകൾ വഴിയും ente ksrtc, neo oprs എന്ന മൊബൈൽ ആപ്പുവഴിയും ബുക്ക് ചെയ്യാം.