ഉദയനിധിയുടെ ഹിന്ദുഉന്മൂലന ആഹ്വാനത്തിന് സാക്ഷിയായി തമിഴ് നാട് ദേവസ്വം മന്ത്രിയും; ശേഖർ ബാബു രാജിവെക്കും വരെ സമരം; തമിഴ് നാട്ടിലെ എല്ലാ ദേവസ്വം ഓഫീസുകളും ഉപരോധിക്കാൻ ബിജെപി

ചെന്നൈ : തമിഴ് നാട് ദേവസ്വം മന്ത്രി ശേഖർ ബാബുവിനെതിരെ വാൻ സമരവുമായി ബിജെപി. ഹിന്ദുക്കളെ ഉന്മൂലനം ചെയ്യാനുള്ള ഉദയനിധിയുടെ ആഹ്വാനം നടന്ന യോഗത്തിൽ അയാളുടെ പ്രസംഗത്തിന് സാക്ഷിയായി തമിഴ് നാട് ദേവസ്വം മന്ത്രി ശേഖർ ബാബുവും വേദിയിൽ ഉണ്ടായിരുന്നു.ഇതോടെ ശേഖര് ബാബുവിന് ഹിന്ദു മത ക്ഷേമ വകുപ്പ് മന്ത്രി പദവി വഹിക്കാനുള്ള അവകാശം നഷ്ടമായി എന്ന് തമിഴ് നാട് ബിജെപി അദ്ധ്യക്ഷൻ കെ അണ്ണാമലൈ പറഞ്ഞു.

ശേഖർബാബു ഒരാഴ്‌ചയ്‌ക്കുള്ളിൽ ഹിന്ദുമത ക്ഷേമ വകുപ്പ് മന്ത്രി സ്ഥാനത്ത്‌ നിന്ന്‌ ഒഴിയണമെന്ന്‌ തമിഴ്‌നാട്‌ ബി.ജെ.പി അധ്യക്ഷൻ അണ്ണാമലൈ ആവശ്യപ്പെട്ടു.സെപ്തംബർ 10-ന് മുമ്പ് അദ്ദേഹം സ്ഥാനമൊഴിഞ്ഞില്ലെങ്കിൽ, ബിജെപി തമിഴ്‌നാട് പ്രവർത്തകർ സെപ്തംബർ 11-ന് ചെന്നൈയിലെ ഹെഡ് ഓഫീസ് ഉൾപ്പെടെ സംസ്ഥാനത്തെ എല്ലാ എച്ച്ആർ & സിഇ ഓഫീസുകളിലും ഘേരാവോ ചെയ്യുമെന്നും അദ്ദേഹം പ്രസ്താവനയിൽ പറഞ്ഞു.

“ഡി എം കെ പ്രസിഡന്റ് വീരമണി ഹിന്ദുമതവും സനാതന ധർമ്മവും വ്യത്യസ്തമല്ല, രണ്ടും ഒന്നാണ്. ഇത് ജനങ്ങൾ മനസ്സിലാക്കണമെന്നും അര്ഥശങ്കക്കിടയില്ലാത്ത വിധം വ്യക്തമാക്കിയിട്ടുമുണ്ട്.
വീരമണിക്കു പിന്നാലെ ശേഷം സംസാരിച്ച മന്ത്രി ഉദയനിധി സ്റ്റാലിൻ സനാതന ധർമ്മത്തെ ഇല്ലാതാക്കണമെന്ന് ആഹ്വാനം ചെയ്യുകയായിരുന്നു. അവരുടെ ഉദ്ദേശം എന്താണെന്ന് എല്ലാവർക്കും അറിയാവുന്ന കാര്യമാണ്.എന്നാൽ, ഹിന്ദുമതം ഉന്മൂലനം ചെയ്യുന്നതിനെ കുറിച്ച് അവർ സംസാരിച്ച അതേ യോഗത്തിൽ തന്നെ ഹിന്ദുമത-ജീവകാരുണ്യ വകുപ്പ് മന്ത്രി ശേഖര് ബാബു പങ്കെടുത്തതും അവരുടെ പ്രസംഗത്തെ എതിർക്കാത്തതും ഞെട്ടിപ്പിക്കുന്നതാണ്. ഇതോടെ ഹിന്ദു മത ക്ഷേമ വകുപ്പ് മന്ത്രി സ്ഥാനം വഹിക്കാനുള്ള ധാർമിക അവകാശം നഷ്ടപ്പെട്ടു.
ഒരാഴ്ചയ്‌ക്കുള്ളിൽ സെപ്തംബർ 10നകം ശേഖര് ബാബുവിന് ഹിന്ദുമത ചാരിറ്റീസ് വകുപ്പ് മന്ത്രി സ്ഥാനം ഒഴിയേണ്ടി വരും. ഹിന്ദുമതത്തെ തകർക്കാൻ ആഗ്രഹിക്കുന്നവർക്ക് ഹിന്ദു മത ചാരിറ്റി മേഖലയിൽ എന്ത് കച്ചവടമാണ് ഉള്ളത്?
സെപ്തംബർ 10നകം മന്ത്രി ശേഖർ ബാബു അധികാരം ഒഴിഞ്ഞില്ലെങ്കിൽ സെപ്റ്റംബർ 11ന് ചെന്നൈയിലെ ഹിന്ദുമത ചാരിറ്റീസ് ഡിപ്പാർട്ട്‌മെന്റ് ഹെഡ് ഓഫീസ് ഉൾപ്പെടെ തമിഴ്‌നാട്ടിലുടനീളം ഓഫീസുകൾ ഉപരോധിക്കുമെന്ന് അറിയിക്കുന്നു.”

കെ അണ്ണാമലൈ പറഞ്ഞു