ശ്രീനഗർ: ഹിസ്ബുൾ മുജാഹിദ്ദീൻ ഭീകരൻ ജഹാംഗീർ സരൂരിയുടെ ഒളിത്താവളം തകർത്ത് ജമ്മു-കശ്മീർ പോലീസ്. ജമ്മു-കശ്മീരിലെ പരിഭാഗ് പ്രദേശത്തെ ഭധത് സരൂരിലാണ് ഒളിത്താവളം പോലീസ് കണ്ടെത്തിയത്. ജഹാംഗീർ സരൂരിയുടെ സാന്നിദ്ധ്യം വെളിപ്പെടുത്തുന്ന തെളിവുകളും താവളത്തിൽ നിന്നും പോലീസ് കണ്ടെത്തിയിട്ടുണ്ട്.
കിഷ്ത്വാർ പോലീസും 26 രാഷ്‌ട്രീയ റൈഫിൾസും 52 ബറ്റാലിയൻസും സംയുക്തമായി നടത്തിയ ഓപ്പറേഷനിൽ ജഹാംഗീറിന്റെ താവളം നശിപ്പിച്ചതായി അധികൃതർ അറിയിച്ചു. ജഹാംഗീർ സരൂരി ആസൂത്രിത പ്രവർത്തനങ്ങൾ ചെയ്യുന്നതായി പോലീസിനു ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഭീകരന്റെ രഹസ്യ താവളം കണ്ടെത്തിയത്. ഒളിത്താവളത്തിൽ നിന്നും ഇയാൾ ഉപയോഗിച്ച പുതപ്പുകളും ഭക്ഷ്യ വസ്തുക്കളും കണ്ടെടുത്തതായി പോലീസ് അറിയിച്ചു.
Comments