ഭാരതം ജി20 ഉച്ചകോടിക്ക് ആതിഥേയത്വം വഹിച്ചപ്പോൾ താരമായി അമേരിക്കൻ പ്രതിനിധി. മാദ്ധ്യമ പ്രവർത്തകരുടെ ചോദ്യത്തിന് ഹിന്ദിയിൽ മറുപടി പറഞ്ഞായിരുന്നു മാർഗരറ്റ് മക്ലിയോഡ് ഏല്ലാവരെയും ഞെട്ടിച്ചത്. ഇതിന്റെ വീഡിയോകളാണ് സമൂഹമാദ്ധ്യമങ്ങളിൽ ഇപ്പോൾ വൈറലാകുന്നത്.
ചോദ്യങ്ങൾക്ക് ഇംഗ്ലീഷിൽ മറുപടി പ്രതീക്ഷിച്ച മാദ്ധ്യമ പ്രവർത്തകരെ അമ്പരപ്പിച്ചു കൊണ്ടായിരുന്നു മാർഗരറ്റ് മക്ലിയോഡയുടെ ഹിന്ദിയിലുള്ള മറുപടി. ഹിന്ദിക്കു പുറമെ ഉറുദുവും അനായസം കൈകാര്യം ചെയ്യുന്ന ആളാണ് മാർഗരറ്റ്. ഇരുഭാഷകൾക്കുമായി യുഎസ് സ്റ്റേറ്റ് ഡിപ്പാർട്ട്മെന്റിന്റെ ഔദ്യോഗിക വക്താവായി പ്രവർത്തിക്കുകയാണ് ഇവർ. യുഎസിന്റെ വിദേശകാര്യനയത്തെപ്പറ്റി മറ്റ് ഭാഷക്കാരോട് സംവദിക്കുക എന്നതാണ് മാർഗരറ്റിന്റെ ജോലി.
US diplomat – Margaret MacLeod speaks Hindi better than 99% of Hindi speaking Indians 🥲 pic.twitter.com/l9y3fsoCSM
— Azhar Jafri (@zhr_jafri) September 9, 2023
“>
ഇതിനു മുമ്പ് ഇന്ത്യയിലെ യുഎസ് മിഷനിലടക്കം പ്രവർത്തിച്ച മാർഗരറ്റ് വിദേശകാര്യ വിഭാഗത്തിൽ വർഷങ്ങളുടെ അനുഭവ സമ്പത്തുള്ള വ്യക്തിയാണ്. സംസാരിക്കുന്നതിനു പുറമെ ഹിന്ദിയും ഉറുദുവും എഴുതാനും വായിക്കാനും മാർഗരറ്റിന് അറിയാം.
