അഞ്ച് വർഷമായി ഭാര്യയുടെ മൃതദേഹം ഫ്രീസറിൽ സൂക്ഷിച്ച് 57-കാരൻ; ജീവിച്ചിരിക്കുന്നതായി തെറ്റിദ്ധരിപ്പിച്ച് സ്വന്തമാക്കിയത്  1.6 ലക്ഷം ഡോളർ!!

സ്റ്റോക്ക്‌ഹോം: പെൻഷൻ ലഭിക്കുന്നതിനായി ഭാര്യയുടെ മൃതദേഹം ഫ്രീസറിൽ സൂക്ഷിച്ച് 57-കാരൻ. അഞ്ച് വർഷ കാലത്തോളമാണ് ഇത്തരത്തിൽ ഭാര്യയുടെ മൃതദേഹം വീട്ടിലെ ഫ്രീസറിൽ സൂക്ഷിച്ചത്. സ്വീഡനിലെ നോർവേ നഗരത്തിലാണ് സംഭവം.

ഏറെ കാലമായി ക്യാൻസർ ബാധിതയായിരുന്നു ഇയാളുടെ ഭാര്യ. 2018-ൽ രോഗം മൂർച്ഛിച്ച് മരണത്തിന് കീഴടങ്ങുകയായിരുന്നു. ഭാര്യയുടെ ശവസംസ്‌കാര ചടങ്ങുകൾ ശ്മശാനത്തിൽ അടക്കം ചെയ്യാൻ താത്പര്യമില്ലാതിരുന്ന 57-കാരൻ പറമ്പിൽ അടക്കം ചെയ്യാൻ തീരുമാനിച്ചെങ്കിലും പിന്നീട് സംസ്‌കരിക്കുന്നതിനായി ഫ്രീസറിൽ വെക്കുകയായിരുന്നു. 60-കാരിയായ ഭാര്യയുടെ ബന്ധുക്കൾ അവരെ കുറിച്ച് അന്വേഷിച്ചിരുന്നെങ്കിലും ഭർത്താവ് യാതൊരു വിധ സംശങ്ങളോ ആശങ്കകളോ പ്രകടിപ്പിച്ചിരുന്നില്ല. അവർ ജീവനോടെ തന്നെയുണ്ടെന്നും ആരുമായും സംസാരിക്കാൻ താത്പര്യപ്പെടുന്നില്ലെന്നായിരുന്നു ഭർത്താവ് ബന്ധുക്കളെ പറഞ്ഞ് വിശ്വസിപ്പിച്ചിരുന്നത്.

ഭാര്യയുടെ ഫോണിൽ വിളിച്ചിട്ട് കിട്ടാതിരുന്നതും മറ്റ് വിവരങ്ങളൊന്നും ലഭിക്കാതിരുന്നതും കുടുംബത്തിന്റെ സംശയം വർദ്ധിപ്പിച്ചു. തുടർന്ന് ഇവർ പോലീസിൽ പരാതിപ്പെടുകയായിരുന്നു. പിന്നാലെ നടത്തിയ തിരച്ചിലിൽ 60-കാരിയുടെ മൃതദേഹം ഫ്രീസറിൽ  നിന്ന് കണ്ടെടുക്കുകയായിരുന്നു. വീട്ടിൽ മരിച്ച നിലയിൽ കണ്ടെത്തിയതിന് പിന്നാലെയാണ് ഫ്രീസറിൽ സൂക്ഷിച്ചതെന്ന് 57-കാരൻ അന്വേഷണ സംഘത്തോട് സമ്മതിക്കുകയും ചെയ്തു.

ഭാര്യയുടെ മൃതദേതഹം സൂക്ഷിച്ചിരുന്ന ഫ്രീസർ നിത്യവും ഉപയോഗിച്ചിരുന്നതായും മധ്യവയസ്‌കൻ സമ്മതിച്ചിട്ടുണ്ട്. ഭാര്യ ക്യാൻസർ രോഗി ആയതിനാൽ തന്നെ നിരവധി പെൻഷനും മറ്റ് ആനുകൂല്യങ്ങളും ഇവർക്ക് ലഭിക്കുന്നുണ്ടായിരുന്നു. ഇത് ലഭിക്കുന്നതിന് വേണ്ടിയാണ് ഭാര്യയുടെ മൃതദേഹം മറവ് ചെയ്തതെന്ന് ഭർത്താവ് പറഞ്ഞു. ഇത്തരത്തിൽ 1.2 ദശലക്ഷം നോർവീജിയൻ ക്രോണർ ( 1,16,000 ഡോളർ) ആണ് അഞ്ച് വർഷമായി 57-കാരൻ കൈപ്പറ്റിയത്. സംഭവത്തിൽ ഭർത്താവിനെ ജയിൽശിക്ഷയ്‌ക്ക് കോടതി വിധിച്ചു. പൗരാവകാശ ലംഘനം, വഞ്ചന, മൃതദേഹം വികൃതമാക്കൽ, രേഖകളിൽ കൃത്രിമം കാണിക്കൽ തുടങ്ങിയ കുറ്റങ്ങൾ ചുമത്തിയാണ് കോടതി ഇയാളെ ശിക്ഷിച്ചത്.