ചെന്നൈ: ചാർജ് ചെയ്യുന്നതിനിടെ മൊബൈൽ ഫോൺ പൊട്ടിത്തെറിച്ച് യുവതിക്ക് ദാരുണാന്ത്യം. തഞ്ചാവൂരിലെ പാപനാശത്താണ് സംഭവം. സ്ഥലത്ത് മൊബൈൽ ഷോപ്പ് നടത്തുന്ന കോകില (33) ആണ് മരിച്ചത്. ഇന്നലെയാണ് അപകടം നടന്നത്. ചാർജ് ചെയ്തുകൊണ്ടിരുന്ന ഫോണിൽ ഹെഡ്‌സെറ്റ് കണക്ട് ചെയ്ത് സംസാരിക്കുന്നതിനിടെ പൊട്ടിത്തെറിക്കുകയായിരുന്നു.
പൊട്ടിത്തെറിയിൽ കടയ്‌ക്ക് തീപിടിക്കുകയും കോകിലയ്‌ക്ക് ഗുരുതരമായി പൊള്ളലേൽക്കുകയും ചെയ്തു. തുടർന്ന് സമീപവാസികൾ എത്തി തീയണച്ച ശേഷമാണ് കോകിലയെ പുറത്തെത്തിക്കാനായത്. ഉടൻ തന്നെ ആശുപത്രി എത്തിച്ചെങ്കിലും ചികിത്സയ്‌ക്കിടെ മരണം സംഭവിക്കുകയായിരുന്നു. ഇവർ കുറച്ച് നാളായി ഇവിടെ മൊബൈൽ സേവനങ്ങളും വാച്ച് റിപ്പയറിംഗുമുള്ള കട നടത്തി വരികയായിരുന്നു.
