പാകിസ്താനെ തകർത്ത് സാഫ് അണ്ടർ 19 കപ്പുയർത്തി ഇന്ത്യൻ കൗമാരപ്പട. എതിരില്ലാത്ത മൂന്ന് ഗോളുകൾക്കാണ് ഇന്ത്യ പാകിസ്താനെ തറപറ്റിച്ചത്. നിലവിലെ ചാമ്പ്യന്മാരായ ഇന്ത്യയുടെ മൂന്നാം കിരീടമാണിത്.
മംഗ്ലെൻതാങ് കിപ്ജെൻ, ഗ്വാഗ്വാംസർ ഗോയാരി എന്നിവരാണ് ഇന്ത്യയ്‌ക്കായി ഗോളുകൾ നേടിയത്. മംഗ്ലെൻതാങ് കിപ്ജെൻ രണ്ട് ഗോളുകൾ നേടി. ആദ്യ രണ്ടുകള്ഡ പോസ്റ്റിൽ എത്തിച്ച് മംഗ്ലെൻതാങ് കിപ്ജെൻ പാക് പ്രതീക്ഷകൾക്ക് മങ്ങലേൽപ്പിക്കുകയായിരുന്നു. പിന്നാലെ ഗോയാരി മൂന്നാം ഗോളും നേടി.
ആതിഥേയരായ നേപ്പാളിനെ പരാജയപ്പെടുത്തിയാണ് ഇന്ത്യ ഫൈനലിൽ പ്രവേശിച്ചത്. പാകിസ്താൻ ഭൂട്ടാനെയാണ് സെമിയിൽ നേരിട്ടത്. പാകിസ്താൻ ആദ്യമായാണ് ടൂർണമെന്റിന്റെ ഭാഗമാകുന്നത്.
