അഹമ്മദാബാദ്: ഒക്ടോബര്‍ 14ന് അഹമ്മദാബാദില്‍ നടക്കുന്ന ഇന്ത്യ-പാകിസ്താന്‍ മത്സരത്തിനുള്ള 14,000 ടിക്കറ്റുകള്‍ കൂടി ബിസിസിഐ ഞായറാഴ്ച പുറത്തിറക്കും.പ്രസ്താവനയിലൂടെയാണ് ക്രിക്കറ്റ് ബോര്‍ഡ് ഇക്കാര്യം വ്യക്തമാക്കിയത്.
ടിക്കറ്റുകളുടെ വില്‍പ്പന ഇന്ന് ഉച്ചയ്‌ക്ക് 12 മണി മുതല്‍ ആരംഭിക്കും. https://tickets.cricketworldcup.com ഔദ്യോഗിക ടിക്കറ്റിംഗ് വെബ്സൈറ്റ് സന്ദര്‍ശിച്ച് ആരാധകര്‍ക്ക് ടിക്കറ്റുകള്‍ വാങ്ങാം. ആദ്യ ഘട്ടത്തില്‍ വില്‍പ്പനയ്‌ക്ക് വച്ചിരുന്ന മുഴുവന്‍ ടിക്കറ്റുകളും നിമിഷ നേരത്തിനുള്ളില്‍ വിറ്റു പോയിരുന്നു.
അഹമ്മദാബാദിലെ ഹോട്ടലുകളിലും മുറികള്‍ കിട്ടാനില്ലാത്ത അവസ്ഥയാണ്. 5 സ്റ്റാര്‍ മുതല്‍ ചെറിയ ഹോട്ടലുകളുടെ ബുക്കിംഗും മാസങ്ങള്‍ക്ക് മുന്‍പേ തീര്‍ന്നിരുന്നു. 1.32ലക്ഷം സീറ്റുകളാണ് നരേന്ദ്ര മോദി സ്‌റ്റേഡിയത്തിലുള്ളത്. ലോകത്തിലെ ഏറ്റവും വലിയ സ്‌റ്റേഡിയത്തില്‍ നടക്കുന്ന ചിരവൈരികളുടെ പോരാട്ടത്തിന് തീപാറുമെന്ന് ഉറപ്പാണ്.
🚨 NEWS 🚨
BCCI set to release 14,000 tickets for India v. Pakistan League Match on October 14, 2023.
Details 🔽 #CWC23 https://t.co/p1PYMi8RpZ
— BCCI (@BCCI) October 7, 2023
“>
