ദേശീയ ചലച്ചിത്രദിനം പ്രമാണിച്ച് ഒക്ടോബർ 13 വെള്ളിയാഴ്ച രാജ്യത്തുടനീളം സിനിമാ ടിക്കറ്റുകൾക്ക് 99 രൂപ. PVR INOX, Cinepolis, Miraj, Citypride, Asian, Mukta A2, Movie Time, Wave, M2K, Delite എന്നിവയുൾപ്പെടെ ഇന്ത്യയിലുടനീളമുള്ള 4,000-ലധികം സ്‌ക്രീനുകളിലാണ് കുറഞ്ഞ നിരക്കിൽ സിനിമ ആസ്വദിക്കാൻ അവസരം ഒരുക്കുന്നത്. മൾട്ടിപ്ലക്സ് അസോസിയേഷൻ ഓഫ് ഇന്ത്യ കഴിഞ്ഞ മാസമാണ് ഇത് സംബന്ധിച്ച പ്രഖ്യാപനം നടത്തിയത്.
‘ഈ വർഷം ബോക്സ് ഓഫീസിൽ ഒന്നിലധികം സിനിമകളാണ് അവിശ്വസനീയമായ വിജയം ആഘോഷിച്ചത്. ഈ വിജയത്തിന് സംഭാവന നൽകിയ എല്ലാ സിനിമാ പ്രേക്ഷകർക്കും ഹൃദയംഗമമായ നന്ദി. ഈ പ്രത്യേക ദിവസത്തിൽ എല്ലാ പ്രായത്തിലുള്ള പ്രേക്ഷകരെയും സിനിമ ആസ്വാദിക്കാനായി ഒരുമിച്ച് കൊണ്ടുവരാം’ അസോസിയേഷൻ എക്‌സിൽ പറഞ്ഞു.
National Cinema Day is back on October 13th. Join us at over 4000+ screens across India for an incredible cinematic experience, with movie tickets priced at just Rs. 99. It’s the perfect day to enjoy your favorite films with friends and family. #NationalCinemaDay2023 #13October pic.twitter.com/Pe02t9F8rg
— Multiplex Association Of India (@MAofIndia) September 21, 2023
ഭക്ഷണത്തിനും പാനീയങ്ങൾക്കും ‘ആവേശകരമായ’ ഓഫറുകൾ ഉണ്ടാകുമെന്നും, കൂടുതൽ വിവരങ്ങൾക്ക് ഉപഭോക്താക്കൾ സിനിമാശാലകളുടെ വെബ്സൈറ്റുകളും സോഷ്യൽ മീഡിയ ഹാൻഡിലുകളും പരിശോധിക്കണമെന്നും മൾട്ടിപ്ലക്സ് അസോസിയേഷൻ ഓഫ് ഇന്ത്യ എക്‌സിൽ വ്യക്തമാക്കി.
കഴിഞ്ഞ ദേശീയ ചലച്ചിത്ര ദിനത്തിലും ടിക്കറ്റ് നിരക്ക് കുറച്ചത് വലിയ വാർത്ത പ്രധാന്യം നേടിയിരുന്നു. IMAX, 4DX അല്ലെങ്കിൽ റീക്ലൈനർ സീറ്റുകൾ പോലുള്ള പ്രീമിയം സീറ്റിംഗിന് കുറഞ്ഞ നിരക്ക് ബാധകമല്ല. കഴിഞ്ഞ വർഷം സിനിമ ടിക്കറ്റ് നിരക്ക് സംബന്ധിച്ച സംസ്ഥാന നിയന്ത്രണങ്ങൾ കാരണം തെലങ്കാന, ആന്ധ്രാപ്രദേശ്, തമിഴ്നാട് തുടങ്ങിയ സംസ്ഥാനങ്ങളിൽ ഓഫർ ബാധകമായിരുന്നില്ല.
