ഇസ്ലാമാബാദ് : ലോകകപ്പ് മത്സരത്തിൽ പാകിസ്താൻ തോൽക്കാൻ കാരണം മന്ത്രവാദമാണെന്ന വിചിത്രവാദവുമായി പാക് ടിക് ടോക്ക് താരം ഹരീം ഷാ . ദുർമന്ത്രവാദം നടത്തി പാകിസ്താൻ ടീമിനെ പരാജയപ്പെടുത്തി ഇന്ത്യ വിജയിക്കുകയായിരുന്നു. ഒരിക്കലും സത്യസന്ധത നിറഞ്ഞ ഗെയിമായിരുന്നില്ലെന്നുമാണ് ഹരീം ഷായുടെ വാദം . മന്ത്രവാദം നടത്തിയത് ബിസിസിഐ സെക്രട്ടറി ജയ് ഷാ ആണെന്നും , തന്ത്രി കാർത്തിക് ചക്രവർത്തിയെയാണ് മന്ത്രവാദത്തിനായി നിയോഗിച്ചതെന്നുമൊക്കെയാണ് ഹരീം ഷാ പറയുന്നത് .
“വിശ്വസനീയമായ ഉറവിടം അനുസരിച്ച്, ബിസിസിഐ സെക്രട്ടറി ജയ് ഷാ പ്രശസ്ത ബ്ലാക്ക് മാജിക് വിദഗ്ധൻ തന്ത്രി കാർത്തിക് ചക്രവർത്തിയെ പാകിസ്താൻ ടീമിനെതിരെ ബ്ലാക്ക് മാജിക് ചെയ്യാൻ നിയോഗിച്ചു. @ICC അന്വേഷിക്കണം. ഇത് അംഗീകരിക്കാനാവില്ല.“ എന്നാണ് ഹരീം ഷായുടെ ട്വീറ്റ് .
ട്വീറ്റ് വൈറലായതോടെ സോഷ്യൽ മീഡിയ ഹരീം ഷായെ ട്രോളി രംഗത്തെത്തി . “പിങ്കി പെർണിയെ പാകിസ്താനികൾ മന്ത്രവാദത്തിനായി നിങ്ങൾ വാടകയ്‌ക്കെടുക്കണമായിരുന്നു,” എന്നാണ് ചിലർ പരിഹസിക്കുന്നത് .‘ ഞങ്ങൾ ഇപ്പോൾ ബ്ലാക്ക് മാജിക് വിദഗ്‌ദ്ധനായ കാർത്തിക് ചക്രവർത്തിയെ അഫ്ഗാനികൾക്ക് വായ്പ നൽകിയിട്ടുണ്ട്. പാകിസ്താനെതിരായ മത്സരത്തിൽ അവർ അദ്ദേഹത്തിന്റെ സേവനം ഉപയോഗിക്കും. നിങ്ങളുടെ ടീം വീണ്ടും തോൽക്കും ‘ – എന്നും ചിലർ പറയുന്നു.
