ഇടുക്കി: അജ്ഞാത മൃതദേഹം കണ്ടെത്തി. ഇടുക്കി നെടുങ്കണ്ടം തുക്കുപ്പാലത്ത് ബസ് സ്റ്റാൻഡിന് സമീപത്തായുള്ള കുഴിയിലാണ് അജ്ഞാത മൃതദേഹം കണ്ടെത്തിയത്. നിർമ്മാണത്തിലിരിയ്‌ക്കുന്ന കെട്ടിടത്തിനായി തയ്യാറാക്കിയ കുഴിയിലാണ് മൃതദേഹം കണ്ടത്. നെടുംകണ്ടം പോലീസിന്റെ നേതൃത്വത്തിൽ മൃതദേഹം പുറത്തെടുക്കുന്നതിനുള്ള നടപടികളാരംഭിച്ചു.
തലകീഴായ നിലയിലാണ് കുഴിയിൽ മൃതദേഹം കണ്ടെത്തിയത്. എങ്ങനെയാണ് മരണം സംഭവിച്ചതെന്ന് വ്യക്തമല്ല. ആളെ തിരിച്ചറിയാനുള്ള അന്വേഷണം തുടങ്ങിയെന്ന് പൊലീസ് അറിയിച്ചു. വിവരമറിയിച്ച് നാട്ടുകാരായ നിരവധി പേരാണ് ഇവിടേക്ക് എത്തിയത്.
