ലണ്ടൻ : ടിപ്പു സുൽത്താന്റെ സ്വകാര്യ വാളിന് ആവശ്യക്കാരില്ലാത്തതിനെ തുടർന്ന് ലേലം ഉപേക്ഷിച്ചു . മുൻ ബ്രിട്ടീഷ് ഗവർണർ ജനറൽ കോൺവാലിസിന് സമ്മാനിച്ചതാണ് ഈ വാൾ. ലണ്ടനിലെ ക്രിസ്റ്റിയുടെ ലേലത്തിലാണ് ഈ വാൾ വിൽപ്പനയ്‌ക്ക് വെച്ചത്. 15 കോടി മുതൽ 20 കോടി രൂപ വരെയായിരുന്നു ഇതിന്റെ ഏകദേശ വില. ഉയർന്ന വില കാരണം വാളിന് ലേലം വിളിക്കാൻ കഴിഞ്ഞില്ല.
ഈ വാൾ മിഡിൽ ഈസ്റ്റിലെ ഒരു മ്യൂസിയം വാങ്ങുമെന്ന് പറഞ്ഞിരുന്നു . എന്നാൽ അവരും ലേലത്തിന് എത്തിയില്ല . . ടിപ്പു സുൽത്താന്റെ തോൽവിക്ക് ശേഷം 1799-ൽ അദ്ദേഹത്തിന്റെ രണ്ട് വാളുകളിൽ ഒന്ന് ചാൾസ് മാർക്വെസ് ഒന്നാമനും മറ്റേ വാൾ ഏൾ കോൺവാലിസിനും നൽകി. കോൺവാലിസ് 1786-ൽ ബ്രിട്ടീഷ് ഇന്ത്യയുടെ ഗവർണർ ജനറലും കമാൻഡർ ഇൻ ചീഫുമായി. മൂന്നാം ആംഗ്ലോ-മൈസൂർ യുദ്ധത്തിൽ അദ്ദേഹം ബ്രിട്ടീഷ് സൈന്യത്തെ നയിച്ചു.
ടിപ്പു സുൽത്താന്റെ കിടപ്പുമുറി വാളായിരുന്നു ഇതെന്നാണ് പറയപ്പെടുന്നത് . ഈ വർഷം മെയ് 23 ന് ബോൺഹാംസിൽ 141 കോടി രൂപയ്‌ക്കാണ് ആദ്യ വാൾ വിറ്റത്. ഇപ്പോൾ കോൺവാലിസിന്റെ കുടുംബം അവരുടെ ആഡംബര വീടും വാളും വിൽപ്പനയ്‌ക്ക് വെച്ചിരിക്കുകയാണ്. വാളിൽ രത്നങ്ങളും ഇനാമലും പതിച്ചിട്ടുണ്ട്.
അടുത്തിടെ ഉണ്ടായ ഇസ്രായേൽ-ഗാസ യുദ്ധവും ഉയർന്ന വിലയും കാരണം വാൾ വാങ്ങാൻ ആരും താൽപ്പര്യം കാണിച്ചില്ല എന്നാണ് റിപ്പോർട്ട്.
