ചികിത്സിച്ചുമാറ്റാനാവാത്ത ഫ്രണ്ടോടെംപറല് ഡിമന്ഷ്യ രോഗം ബാധിച്ച് വിശ്രമ ജീവിതത്തിലായ ഹോളിവുഡ് നടന് ബ്രൂസ് വില്ലിസിന്റെ അവസ്ഥ വീണ്ടും ഗുരുതരമായി. തന്റെ 13 വര്ഷത്തെ മുന് ദാമ്പത്യവും നടിയും മുന്ഭാര്യയുമായ ഡെമി മൂറിനെയും താരം മറന്നുപോയെന്നാണ് പുറത്തുവരുന്ന വിവരം.
ഡെമി ഇറ്റലിയില് നിന്ന് തിരിച്ചെത്തിയ ശേഷം താരത്തെ കാണാന് ചെന്നിരുന്നു. എന്നാല് ബ്രൂസിന് ഡെമി മനസിലായില്ല. എന്നാല് താരത്തിന്റെ ഇപ്പോഴത്തെ ഭാര്യ എമ്മയെയും മക്കളെയും താരത്തിന് ഓര്മ്മയുണ്ട്.ഇവരോട് സമയം ചെലവഴിച്ച ശേഷമാണ് ഡെമി അത്യന്തം സങ്കടത്തോടെ മടങ്ങിയതെന്ന് അന്താരാഷ്ര മാദ്ധ്യമങ്ങള് വ്യക്തമാക്കി.
രോഗാവസ്ഥ?യെ തുടര്ന്ന് 2022 ല് നിന്ന് അഭിനയത്തില് നിന്ന് വിരമിച്ച താരം കുടംബത്തോടൊപ്പം സമയം ചെലവഴിക്കുകയായിരുന്നു. ബ്രൂസ് വില്ലിസിന് നടി ഡെമി മൂറില് ജനിച്ച മകളായ തലൂലവില്ലിസ് ആണ് താരത്തിന്റെ രോഗത്തെപ്പറ്റി വെളിപ്പെടുത്തിയിരുന്നത്. താരത്തിന്റെ പ്രതികരണവും ആശയ വിനിമയ ശേഷിയും ഏറക്കുറെ നഷ്ടമായെന്നാണ് കുടുബം നല്കുന്ന വിവരം.
ആശയവിനിമയത്തില് വെല്ലുവിളികള് നേരിടുന്ന രോഗാവസ്ഥയാണ് ഫ്രണ്ടോടെമ്പറല് ഡിമന്ഷ്യ. തലച്ചോറിന്റെ മുന്ഭാഗത്തെയും വലതുഭാഗത്തെയും ബാധിക്കുന്ന രോഗാവസ്ഥയാണിത്. ഈ രോഗത്തിന് ചികിത്സയൊന്നുമില്ല. 1980 ല് പുറത്തിറങ്ങിയ ദ ഫസ്റ്റ് ഡെഡ്ലി സിന് എന്ന ചിത്രത്തിലൂടെയാണ് വില്ലിസ് സിനിമയില് അരങ്ങേറിയത്. ബ്ലൈന്ഡ് ഡേറ്റ്, ഡൈ ഹാര്ഡ്, ഡൈഹാര്ഡ് 2, ദ സിക്സ്ത് സെന്സ്, പള്പ് ഫിക്ഷന് തുടങ്ങി ഒട്ടനവധി ചിത്രങ്ങളില് വേഷമിട്ടു.എമ്മി അടക്കം നിരവധി പുരസ്കാരങ്ങളും നേടി.
