ഡെറാഡൂൺ: ബദരീനാഥ് ക്ഷേത്രത്തിൽ ദർശനം നടത്തി രാഷ്‌ട്രപദി ദ്രൗപതി മുർമു. രാവിലെയാണ് രാഷ്‌ട്രപതി ക്ഷേത്രത്തിലെത്തിയത്. 25 മിനിറ്റോളം അവിടെ സമയം ചെലവഴിച്ച ദ്രൗപദി മുർമു ഭാരതത്തിന്റെ ക്ഷേമത്തിനായി ബദ്രിവിശാലിന് പൂജകളും അർച്ചനകളും നടത്തിയ ശേഷമാണ് മടങ്ങിയത്.
President Droupadi Murmu visited Badrinath temple and prayed for the prosperity and well-being of fellow citizens. pic.twitter.com/5p4vYeYVdW
— President of India (@rashtrapatibhvn) November 8, 2023
“>
ബദരീനാഥിലെ ആർമി ഹെലിപാഡിലെത്തിയ രാഷ്‌ട്രപതിയെ ഉത്തരാഖണ്ഡ് ഗവർണർ ലഫ്റ്റനന്റ് ജനറൽ (റിട്ട) ഗുർമിത് സിംഗ്, മുഖ്യമന്ത്രി പുഷ്‌കർ സിംഗ് ധാമി, ബദരീനാഥ്-കേദാർനാഥ് ക്ഷേത്ര കമ്മിറ്റി ചെയർമാൻ അജേന്ദ്ര അജയ് എന്നിവർ ചേർന്നാണ് സ്വീകരിച്ചത്. ക്ഷേത്രം മേൽശാന്തി ഈശ്വരി പ്രസാദിന്റെ മേൽനോട്ടത്തിൽ പൂജകൾ അർപ്പിച്ച ശേഷം രാഷ്‌ട്രപതിയ്‌ക്ക് പ്രസാദവും പൊന്നാടയും ക്ഷേത്ര കമ്മിറ്റി ചെയർമാൻ അജയ് നൽകി. മുഖ്യമന്ത്രി ധാമി ക്ഷേത്രത്തിന്റെ പകർപ്പും പ്രാദേശീയ ഉത്പന്നങ്ങളും നൽകിയാണ് ആദരിച്ചത്. ക്ഷേത്ര ദർശനത്തിന് ശേഷം രാഷ്‌ട്രപതി ദ്രൗപദിമുർമു ശ്രീനഗറിലെ എച്ച്എൻബി ഗർവാൾ സർവ്വകലാശാലയുടെ ബിരുദദാന ചടങ്ങും അഭിസംബോധന ചെയ്താണ് മടങ്ങിയത്.
