ന്യൂഡൽഹി : പൊതു പാർക്ക് അനധികൃതമായി കൈവശപ്പെടുത്തി ഡൽഹി ജുമാമസ്ജിദ് . മുഹമ്മദ് അർസലാൻ എന്ന വ്യക്തിയാണ് ഇത് സംബന്ധിച്ച് ഹർജി നൽകിയത്. കേസ് പരിഗണിക്കുമ്പോൾ, പാർക്ക് തിരികെ എടുക്കാത്തതിന് ഡൽഹി ഹൈക്കോടതി എംസിഡിയെ ശാസിച്ചു. നിയമവാഴ്ചയില്ലാത്ത ഒരു നൂറ്റാണ്ടിലല്ല നമ്മൾ ജീവിക്കുന്നതെന്നും, പിന്നെ എന്തുകൊണ്ട് എംസിഡിക്ക് ഈ സ്വത്ത് തിരിച്ചെടുക്കാൻ കഴിയില്ലെന്നും കോടതി ചോദിച്ചു.
ജുമാ മസ്ജിദിന്റെയും ഷാഹി ഇമാമിന്റെയും അധികാരികൾ പബ്ലിക് പാർക്ക് കൈയേറിയെന്ന് വാദത്തിനിടെ എംസിഡി ഹൈക്കോടതിയെ അറിയിച്ചു. അവർ ഇത് അനധികൃതമായി കൈവശപ്പെടുത്തുകയും പൂട്ടുകയും ചെയ്തിട്ടുണ്ട്. വാജു ഖാനയ്‌ക്ക് സമീപമുള്ള പാർക്കിലേക്ക് എംസിഡി ഉദ്യോഗസ്ഥരെ പ്രവേശിപ്പിക്കാൻ അനുവദിക്കുന്നില്ലെന്നും ഡൽഹി വഖഫ് ബോർഡും പാർക്ക് തങ്ങളുടെ സ്വത്താണെന്ന് അവകാശപ്പെടുന്നുണ്ടെന്നും എംസിഡിക്ക് വേണ്ടി ഹാജരായ അഭിഭാഷകൻ ഹൈക്കോടതിയെ അറിയിച്ചു.
എംസിഡിക്ക് വേണ്ടി ഹാജരായ അഭിഭാഷകന്റെ വാദം കേട്ട് ആക്ടിംഗ് ചീഫ് ജസ്റ്റിസ് മൻമോഹനും മിനി പുഷ്‌കർണ്ണയും അതൃപ്തി പ്രകടിപ്പിച്ചു .
‘ പബ്ലിക് പാർക്കുകൾ തിരികെ ഏറ്റെടുക്കാൻ കഴിയുന്നില്ലേ …21-ാം നൂറ്റാണ്ടിൽ നിങ്ങൾ എന്താണ് ഈ പറയുന്നത് ? ഇതെല്ലാം എങ്ങനെ സംഭവിക്കും? ഓരോ ദിവസവും പരിസ്ഥിതി സംരക്ഷണത്തിനായി ഞങ്ങൾ ആവശ്യപ്പെടുന്നു. ഞങ്ങൾക്ക് ശ്വസിക്കാൻ കഴിയുന്നില്ല, നിങ്ങൾക്ക് അതിന്റെ ഉടമസ്ഥാവകാശം നഷ്ടപ്പെടുത്താൻ കഴിയില്ല, നിങ്ങളുടെ ഉദ്യോഗസ്ഥർ മറ്റേതോ ലോകത്താണ് ജീവിക്കുന്നത്… ഇതുപോലുള്ള ഒരു പൊതു പാർക്കിന്റെ ഉടമസ്ഥാവകാശം നിങ്ങൾക്ക് നഷ്ടപ്പെടുത്താൻ കഴിയില്ല. നമ്മൾൾ ജീവിക്കുന്നത് നിയമവാഴ്ചയില്ലാത്ത ഒരു രാജ്യത്തിലല്ല … 21-ാം നൂറ്റാണ്ടിലാണ് ജീവിക്കുന്നത്.” – കോടതി വ്യക്തമാക്കി.
കേസ് പരിഗണിച്ച ശേഷം, നിയമപ്രകാരം പൊതു പാർക്ക് തിരികെ പിടിക്കാൻ എംസിഡി നടപടിയെടുക്കണമെന്ന് കോടതി പറഞ്ഞു.പോലീസിന്റെ ആവശ്യമുണ്ടെങ്കിൽ അവരുടെ സഹായവും നൽകുമെന്ന് കോടതി പറഞ്ഞു.
