മൻസൂർ അലി ഖാൻ നടത്തിയ സ്ത്രീവിരുദ്ധ പരാമർശത്തിന് പിന്നാലെ തൃഷയ്‌ക്ക് പിന്തുണ അറിയിച്ച് കൂടുതൽ പേർ രംഗത്ത്. മൻസൂറിന്റെ പരാമർശം ലജ്ജാകരമാണെന്ന് പറഞ്ഞ് പ്രമുഖ സംവിധായകരുൾപ്പെടെ രംഗത്ത് വന്നിരുന്നു. ഇപ്പോഴിതാ മൻസൂർ അലി ഖാനെതിരെ വിമർശനവുമായി രംഗത്തെത്തിയിരിക്കുകയാണ് നടി മാളവിക മോഹനൻ. ട്വിറ്ററിലൂടെയാണ് മാളവിക പ്രതികരിച്ചത്.
സത്രീകളെ കുറിച്ച് മൻസൂർ അലി ഖാൻ ഇങ്ങനെ ചിന്തിക്കുന്നത് വളരെ ലജ്ജാകരമാണ്. തികച്ചും അപമാനകരമായ പരാമർശമാണിത്. എന്നാൽ അവ പരസ്യമായി പറയാനുള്ള ധൈര്യം ഉണ്ടാകുമോ…. നിങ്ങളെ കുറിച്ച് ഓർക്കുമ്പോൾ തന്നെ ലജ്ജയാണ് തോന്നുന്നത്. ഇത് വിചാരിക്കുന്നതിനെക്കാൾ അപമാനകരം’എന്നാണ് മാളവിക മോഹനൻ ട്വിറ്ററിൽ കുറിച്ചത്.
അതേസമയം, വിഷയം വിവാദമായതിന് പിന്നാലെ പ്രതികരണവുമായി മൻസൂർ രംഗത്തെത്തിയിരുന്നു. തമാശയ്‌ക്ക് വേണ്ടി നടത്തിയ പരാമർശമാണെന്നാണ് മൻസൂർ അലി ഖാൻ പറയുന്നത്. സഹപ്രവർത്തകരോട് ബഹുമാനത്തോടെ മാത്രമേ പെരുമാറിയിട്ടുള്ളൂ എന്നും തൃഷയെക്കുറിച്ച് പറഞ്ഞ കാര്യം തെറ്റിദ്ധരിക്കപ്പെട്ടതാണെന്നും അദ്ദേഹം പറഞ്ഞു.
