ന്യൂഡൽഹി : ലോകകപ്പിൽ ഇന്ത്യൻ ടീം നടത്തിയത് ശക്തമായ പ്രകടനമാണെന്ന് പാകിസ്താൻ താരം ഷൊയ്ബ് അക്തർ . ഭാഗ്യം കൊണ്ട് ഫൈനലിൽ വന്നവരല്ല ഇന്ത്യൻ ടീം . അവർ നടത്തിയത് ശക്തമായ പ്രകടനം തന്നെയാണ് , അതാണ് അവർ ഫൈനലിലെത്തിയതെന്നും അക്തർ പറഞ്ഞു.
വർഷങ്ങളായി, അവർ ഒരു ഫൈനൽ അല്ലെങ്കിൽ പ്രധാനപ്പെട്ട ഒരു മത്സരത്തിൽ വിജയിക്കുന്നതിന് അടുത്ത് വരുന്നത് ഞങ്ങൾ കണ്ടിട്ടുണ്ട്. എന്നാൽ ഭാഗ്യം ഇന്ത്യൻ ടീമിനെ അനുകൂലിക്കുന്നില്ല. ഇന്ത്യൻ ടീം വളരെ ഭീരുക്കളാണ് . അതുകൊണ്ടാണ് നിർണായക മത്സരത്തിനായി വേഗതയേറിയതും ബൗൺസിയുള്ളതുമായ പിച്ച് ഒരുക്കാതിരുന്നത്.
മികച്ച പ്രകടനത്തിന്റെ ബലത്തിലാണ് അവർ ഫൈനലിലെത്തിയത്. എങ്കിലും, മത്സരത്തിന് ഉപയോഗിച്ച പിച്ചിൽ ഞാൻ നിരാശനായിരുന്നു, ഇന്ത്യ മികച്ച പിച്ച് തയ്യാറാക്കേണ്ടതായിരുന്നു. ഇന്ത്യ സ്ലോ പിച്ചാണ് ഉണ്ടാക്കിയത്, അതാണ് അവരുടെ വലിയ തെറ്റ്.