ലക്നൗ: സ്വാതന്ത്ര്യ സമര സേനാനി സർദാർ വല്ലഭഭായ് പട്ടേലിന് ശ്രദ്ധാഞ്ജലി അർപ്പിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. പട്ടേലിന്റെ ചരമവാർഷികദിനത്തിൽ അദ്ദേഹത്തിന്റെ സ്മരാണാർത്ഥം പുഷ്പാർച്ചന നടത്തി.
സർദാർ വല്ലഭഭായ് പട്ടേൽ ഒരു മഹാനായ സ്വാതന്ത്ര്യ സമര സേനാനിയായിരുന്നെന്നും ഇന്നത്തെ ഇന്ത്യ രൂപപ്പെട്ടതിൽ അദ്ദേഹം സുപ്രധാന പങ്ക് വഹിച്ചിട്ടുണ്ടെന്നും യോഗി ആദിത്യനാഥ് പറഞ്ഞു. പട്ടേലിന് പ്രധാനമന്ത്രി നരേന്ദ്രമോദിയും സ്മരാണാഞ്ജലി അർപ്പിച്ചു. അദ്ദേഹത്തിന്റെ ദീർഘവീക്ഷണവും നേതൃപാടവവും പുതിയ ഭാരതം കെട്ടിപ്പടുക്കുന്നതിന് സഹായിച്ചെന്നും മാതൃകാപരമായ പ്രവർത്തനങ്ങളിലൂടെ അദ്ദേഹം രാജ്യത്തെ ഉന്നതിയിലേക്ക് നയിച്ചെന്നും പ്രധാനമന്ത്രി എക്സിൽ കുറിച്ചു.
1875 ഒക്ടോബർ 31-ന് ഗുജറാത്തിലെ നദിയാദിലായിരുന്നു പട്ടേലിന്റെ ജനനം. ഇന്ത്യയുടെ സ്വാതന്ത്ര്യ സമരത്തിൽ അദ്ദേഹം നിർണായക പങ്ക് വഹിച്ചു. ഇന്ത്യയുടെ ആദ്യ ഉപപ്രധാനമന്ത്രിയും ആഭ്യന്തര മന്ത്രിയുമായി അദ്ദേഹം സേവനമനുഷ്ഠിച്ചു. ഇന്ത്യയുടെ ഉരുക്കു മനുഷ്യൻ എന്നറിയപ്പെടുന്ന സർദാർ വല്ലഭഭായ് പട്ടേൽ1950 ഡിസംബർ 15-ന് മുംബൈയിലെ ബിർള ഹൗസിൽ വച്ച് ഹൃദയാഘാതത്തെ തുടർന്നാണ് അന്തരിച്ചത്.
