ന്യൂ ഡൽഹി : രാഷ്‌ട്രം വീരബാലദിനം ആഘോഷിക്കുന്ന വേളയിൽ മത ഭ്രാന്തിനെ നേരിട്ട് രക്‌സാക്ഷിത്വം വഹിച്ചവരുടെ ത്യാഗോജ്വലമായ സ്മരണയ്‌ക്ക് മുന്നിൽ ആദരാഞ്ജലി അർപ്പിച്ച് ആഭ്യന്തര മന്ത്രി അമിത് ഷായും സ്മൃതി ഇറാനിയും, ഉത്തർ പ്രദേശ് മുഖ്യമന്ത്രി യോഗി ആദിത്യ നാഥും.
ശ്രീ ഗുരു ഗോവിന്ദ് സിംഗിന്റെ മക്കളായ സാഹിബ്സാദ ബാബ സൊരാവർ സിംഗ് ജിയെയും ബാബ ഫത്തേ സിംഗ് ജിയെയും ജുജാർ സിംഗ്ജിയെയും അജിത് സിംഗ്ജിയെയും ഔറംഗസേബ് കൊലപ്പെടുത്തിയ ദിവസത്തെ സ്മരിക്കുവാനാണ് ഈ ദിവസം ആചരിക്കുന്നത്.
“വീർ ബാൽ ദിനത്തിൽ, ഞാൻ ഗുരു ഗോവിന്ദ് സിംഗ് ജിയുടെ നാല് സാഹിബ്‌സാദമാരെയും മാതാ ഗുജ്‌രി ജിയെയും നമിക്കുന്നു. പരമമായ ധൈര്യത്തോടെ അവർ ക്രൂരമായ മുഗൾ ഭരണത്തിനെതിരെ നിലകൊള്ളുകയും മതം മാറാൻ വിസമ്മതിക്കുകയും രക്തസാക്ഷിത്വം തിരഞ്ഞെടുക്കുകയും ചെയ്തു. അവരുടെ സമാനതകളില്ലാത്ത വീര്യം വരും തലമുറകളെ പ്രചോദിപ്പിക്കും. അവരുടെ രക്തസാക്ഷിത്വ ദിനം വീർബൽ ദിവസായി പ്രഖ്യാപിച്ചുകൊണ്ട്, പ്രധാനമന്ത്രി മോദി ജി അവരുടെ ത്യാഗത്തിന്റെ കഥ രാജ്യത്തിന്റെയും ലോകത്തിന്റെയും എല്ലാ കോണുകളിലേക്കും വ്യാപിപ്പിച്ചു.” അമിത് ഷാ എക്‌സിൽ കുറിച്ചു.
” #VeerBaalDiwas2023 ഇന്ന് സാഹിബ്‌സാദാസിന്റെ ധീരതയുടെ സ്മരണയുടെ ദിനമാണ്. മാതൃരാജ്യത്തിന്റെയും മതത്തിന്റെയും സംരക്ഷണത്തിനായി ഗുരു ഗോവിന്ദ് സിംഗ് ജിയുടെ സാഹിബ്‌സാദാസ് ബാബ സോരാവർ സിംഗ് ജിയും ബാബ ഫത്തേ സിംഗ് ജിയും നടത്തിയ പരമോന്നത ത്യാഗത്തിന് അഭിവാദ്യം. അദ്ദേഹത്തിന്റെ ഹ്രസ്വമായ ജീവിതത്തിൽ അദ്ദേഹത്തിന്റെ സമർപ്പണവും ധൈര്യവും സ്ഥിരോത്സാഹവും നമുക്കെല്ലാവർക്കും എന്നും പ്രചോദനമായിരിക്കും”. കേന്ദ്ര മന്ത്രി സ്മൃതി ഇറാനി എക്‌സിൽ കുറിച്ചു.
“ഗുരു ശ്രീ ഗോബിന്ദ് സിംഗ് ജി മഹാരാജിന്റെ നാല് സാഹിബ്സാ ദമാർക്ക് അവരുടെ രക്തസാക്ഷിത്വ ദിനമായ വീർ ബാൽ ദിവസ് (സാഹിബ്സാദ ദിനം) ആദരാഞ്ജലികൾ. നാല് സാഹിബ്‌സാദമാരുടെ പരമമായ ത്യാഗം മാതൃരാജ്യത്തെയും നമ്മുടെ മതത്തെയും സംരക്ഷിക്കാൻ നമുക്കെല്ലാവർക്കും എപ്പോഴും പ്രചോദനം നൽകും.” ഉത്തർ പ്രദേശ് മുഖ്യമന്ത്രി യോഗി ആദിത്യ നാഥ് എക്‌സിൽ കുറിച്ചു.
അവരുടെ രക്തസാക്ഷിത്വത്തെ സ്മരിച്ചു കൊണ്ട് നടത്തിയ സംഗീതാർച്ചനയിലും യോഗി ആദിത്യ നാഥ് പങ്കെടുത്തു
