കോഴിക്കോട്: സഹപ്രവർത്തകയുടെ ഭർത്താവിന്റെ പരാതിയിന്മേൽ പോലീസ് ഉദ്യോഗസ്ഥന് സസ്‌പെൻഷൻ. കാക്കൂർ സ്റ്റേഷനിലെ ഹൗസ് ഓഫീസറെയാണ് സസ്‌പെൻഡ് ചെയ്തത്. സിഐ എം സനൽരാജിനെയാണ് അന്വേഷണ വിധേയമായി സസ്‌പെൻഡ് ചെയ്തത്.
ചൊവ്വാഴ്ച രാവിലെയാണ് ഉദ്യോഗസ്ഥനെ സസ്‌പെൻഡ് ചെയ്തത്. ഇയാൾക്കെതിരെ വനിതാ പോലീസ് ഉദ്യോഗസ്ഥയുടെ ഭർത്താവ് പരാതി സമർപ്പിച്ചിരുന്നു. സംഭവത്തിൽ കോഴിക്കോട് റൂറൽ നാർകോട്ടിക് ഡിവൈഎസ്പിയുടെ നേതൃത്വത്തിൽ വകുപ്പ് തല അന്വേഷണം നടത്തി. പോലീസിന് നിരക്കാത്ത പെരുമാറ്റമാണ് ഉദ്യോഗസ്ഥനിൽ നിന്നും ഉണ്ടായതെന്നാണ് അന്വേഷണ റിപ്പോർട്ടിൽ പരാമർശിച്ചിരിക്കുന്നത്. ഇതിന്റെ അടിസ്ഥാനത്തിലാണ് ഉത്തരമേഖല ഐജി നടപടി സ്വീകരിച്ചത്. സംഭവവുമായി ബന്ധപ്പെട്ട് വനിതാ പോലീസ് ഉദ്യോഗസ്ഥയെ കാക്കൂരു നിന്നും മറ്റൊരു സ്റ്റേഷനിലേക്ക് മാറ്റിയിട്ടുണ്ട്.
