നാടെങ്ങും രാമമന്ത്രത്താൽ മുഖരിതമാകുന്ന കാഴ്ചയാണ് ഇപ്പോൾ. പാമരനെന്നോ പണക്കാരനെന്നോ ഭാവവ്യത്യസങ്ങളില്ലാതെ ഭഗവാൻ ശ്രീരാമനെ വരവേൽക്കാൻ ഒരുങ്ങുകയാണ് ഭാരതം. ഇതിനോട് അനുബന്ധിച്ച് രാജ്യത്തെ വിശിഷ്ട വ്യക്തികളിലേക്ക് രാംലല്ലയുടെ അക്ഷതം എത്തിച്ച് ക്ഷണിക്കുകയാണ് രാമഭക്തർ.
രാംലല്ലയുടെ ചൈതന്യം പകർന്ന അക്ഷതം ഏറ്റുവാങ്ങി കേരളത്തിന്റെ വാനമ്പാടി കെ.എസ് ചിത്ര. രാഷ്‌ട്രീയ സ്വയംസേവക്‌ സംഘം എറണാകുളം വിഭാഗ് സഹകാര്യവാഹ്‌ രാജേഷിൽ നിന്നുമാണ് ചിത്ര അക്ഷതം ഏറ്റുവാങ്ങിയത്. അക്ഷതവും ലഘുലേഖയും ക്ഷണ പത്രവും ചിത്രയ്ക്ക് കൈമാറി.
രാജ്യസഭാ എംപിയും ഇന്ത്യൻ ഒളിമ്പിക് അസോസിയേഷൻ അദ്ധ്യക്ഷയുമായ ഡോ. പി.ടി ഉഷയും അക്ഷതം ഏറ്റുവാങ്ങി. കൊയിലാണ്ടി ഖണ്ട്‌ സഹ സംഘചാലക് നാരായണൻ പുത്തലത്താണ് അക്ഷതവും ലഘുലേഖയും ക്ഷണ പത്രവും പിടി ഉഷ എംപിക്ക് കൈമാറിയത്.
