തിരുവനന്തപുരം: ഡൽഹിയിലെ കേരള സർക്കാരിന്റെ പ്രത്യേക പ്രതിനിധി കെ വി തോമസിന് പ്രെെവറ്റ് സെക്രട്ടറിയെ അനുവദിച്ചു. ഒരു വർഷത്തെ മുൻകാല പ്രാബല്യത്തോടെയാണ് സാമ്പത്തിക പ്രതിസന്ധിക്കിടയിലും സർക്കാർ പ്രെെവറ്റ് സെക്രട്ടറിയെ അനുവദിച്ചിരിക്കുന്നത്. കെ വി തോമസിന്റെ ആവശ്യം പരിഗണിച്ചാണ് മുമ്പ് അനുവദിച്ച പേഴ്സൺ സ്റ്റാഫ് അംഗങ്ങൾക്ക് പുറമെ അഡ്വ. റോയ് കെ വർഗീസിനെ പിഎസായി നിയമിച്ച് സർക്കാർ ഉത്തരവിറക്കിയിരിക്കുന്നത്.
44,020 രൂപയാണ് റോയ് കെ തോമസിന്റെ പ്രതിമാസ ശമ്പളം. 2023 ജനുവരി 27 മുതൽ മുൻകാല പ്രാബല്യമുണ്ട്. ശമ്പള കുടിശ്ശിക ഇനത്തിൽ 5.23 ലക്ഷം രൂപ അനുവദിക്കും. ഇതിന് പുറമെ വാഹനമുൾപ്പെടെയുള്ള മറ്റ് സൗകര്യങ്ങളും പ്രെെവറ്റ് സെക്രട്ടറിയ്‌ക്ക് ലഭിക്കും.
