അഭി‌മാന നിമിഷം, അർജുന ഏറ്റുവാങ്ങി ഷമി; സ്വപ്നം സഫലമായെന്ന് താരം; കായിക പുരസ്കാരങ്ങൾ വിതരണം ചെയ്തു

ന്യൂഡൽഹി: രാജ്യത്തെ പരമോന്നത കായിക ബഹുമതികൾ രാഷ്‌ട്രപതി ഭവനിൽ വിതരണം ചെയ്തു. ഇന്ത്യൻ സ്റ്റാർ പേസർ മുഹമ്മദ് ഷമി അർജുന പുരസ്കാരം രാഷ്‌ട്രപതി ദ്രൗപതി മുർമുവിൽ നിന്ന് ഏറ്റുവാങ്ങി. രാജ്യത്തെ രണ്ടാമത്തെ പരമോന്നത കായിക ബഹുമതിയാണ് അർജുന. പോയ നാലുവർഷത്തെ കായിക രം​ഗത്തെ സംഭാവനകൾ പരി​ഗണിച്ചാണ് താരങ്ങൾക്ക് പുരസ്കാരത്തിന് തിരഞ്ഞെടുക്കുന്നത്.

2023 ഏക​ദിന ലോകകപ്പിലെ വിക്കറ്റ് വേട്ടക്കാരിൽ മുമ്പനായിരുന്നു മുഹമ്മദ് ഷമി 24 വിക്കറ്റുകളാണ് നേടിയത്. സ്വപ്നം സഫലമായെന്നും. ഈ അവാർഡിന് എന്നെ പരി​ഗണിച്ചതിലും നിർദ്ദേശിച്ചതിലും നന്ദിയുണ്ടെന്നും ഷമി വ്യക്തമാക്കിയിരുന്നു.

ആർച്ചറി താരങ്ങളായ ഓജസ് പ്രവീൺ,ശീതൾ ​ദേവി, അദിതി ​ഗോപിചന്ദ്, റെസ്ലിം​ഗ് താരം അന്തിം പം​ഗൽ എന്നിവരും പുരസ്കാരം സ്വീകരിച്ചു. ഷൂട്ടിം​ഗ് താരം ഐശ്വരി പ്രതാപ് സിം​ഗ്, സ്റ്റിപിൾ ചേസർ പാരുൾ ചൗദരി എന്നിവരും പുരസ്കാരം ഏറ്റുവാങ്ങിയിട്ടുണ്ട്.

Mohammed Shami receiving Arjuna Award for his brilliance in Indian cricket.

– A proud moment for all Indian cricket fans. ❤️pic.twitter.com/OfUoZBYfQW

— Johns. (@CricCrazyJohns) January 9, 2024

“>