ന്യൂഡൽഹി: നീറ്റ് ബിരുദാനന്തര ബിരുദ പരീക്ഷ ഈ വർഷം ജൂലൈ 7ന് നടക്കും. നാഷണൽ ബോർഡ് ഓഫ് എക്‌സാമിനേഷൻസ് ഇൻ മെഡിക്കൽ സയൻസസ് (എൻബിഇഎംഎസ്) ആണ് പുതുക്കിയ തീയതി അറിയിച്ചത്. കട്ട് ഓഫ് സ്‌കോർ ഓഗസ്റ്റ് 15 ന് പ്രസിദ്ധീകരിക്കുമെന്നും എൻബിഇഎംഎസ് അറിയിച്ചു. ഓഗസ്റ്റ് അവസാനവാരം കൗൺസിലിംഗ് നടക്കും. മാർച്ച് 3ന് നടക്കേണ്ട പരീക്ഷയുടെ തീയതിയാണ് മാറ്റിയത്.
ദേശീയ എക്‌സിറ്റ് ടെസ്റ്റ് (NExT) ഈ വർഷം നടക്കില്ലെന്ന് നാഷണൽ ടെസ്റ്റിംഗ് ഏജൻസി കഴിഞ്ഞ ദിവസം വ്യക്തമാക്കിയിരുന്നു. 2018ലെ ബിരുദാനന്തര മെഡിക്കൽ വിദ്യാഭ്യാസ (ഭേദഗതി) ചട്ടങ്ങൾക്ക് പകരമായി ഈയിടെ വിജ്ഞാപനം ചെയ്ത പോസ്റ്റ്-ഗ്രാജ്വേറ്റ് മെഡിക്കൽ എജ്യുക്കേഷൻ റെഗുലേഷൻസ് 2023 അനുസരിച്ച് പി.ജി പ്രവേശനത്തിനായി നിർദിഷ്ട നെക്സ്റ്റ് പ്രവർത്തനക്ഷമമാകുന്നതുവരെ നിലവിലുള്ള നീറ്റ് പരീക്ഷ തുടരും.
