താൻ ബാറ്റിംഗിനിറങ്ങുമ്പോൾ എന്തുകൊണ്ടാണ് റാം സിയാ റാം എന്ന ഗാനം ഗ്യാലറിയിൽ മുഴങ്ങുന്നതെന്ന് വ്യക്തമാക്കി ദക്ഷിണാഫ്രിക്കൻ സ്പിന്നർ കേശവ് മഹാരാജ്. ഇന്ത്യൻ പരമ്പരയ്‌ക്കിടെയാണ് താരം ബാറ്റിംഗിനായി ഗ്രൗണ്ടിലിറങ്ങുമ്പോൾ ഭജൻ പതിവായി മുഴങ്ങുന്നത്. ഇത് തന്റെ അഭ്യർത്ഥന പ്രകാരമെന്നാണ് കേശവ് വ്യക്തമാക്കുന്നത്. എന്റെ കരിയർ നൽകിയതിന് നല്ലൊരു ജീവിതവും അനുഗ്രവും നൽകിയതിന് ദൈവത്തിന് നന്ദിപറയുന്നതിന് വേണ്ടിയാണ് ഗാനം ഇടാൻ പറയുന്നതെന്ന് കേശവ് പറഞ്ഞു.
‘ആ ഗാനം ഇടാൻ ഞാനാണ് മീഡിയക്കാരോട് അഭ്യർത്ഥിക്കുന്നത്. ആ ഗാനം കേട്ടുകൊണ്ട് ഗ്രൗണ്ടിലിറങ്ങുന്നത് നല്ലൊരു അനുഭവമാണ്. കാരണം താനൊരു കടുത്ത ആഞ്ജനേയ ഭക്തനും ശ്രീരാമ ഉപാസകനുമാണ്- കേശവ് വാർത്താ ഏജൻസിയോട് പറഞ്ഞു. ഈ ഗാനം കേൾപ്പിക്കുന്നതിനെക്കുറിച്ച് കെ.എൽ രാഹുലും നേരത്തെ കേശവ് മഹാരാജിനോട് സംസാരിച്ചിട്ടുണ്ട്. ഏകദിന പരമ്പരയ്‌ക്കിടെയായിരുന്നു.
ഇവരുടെ സംസാരം സ്റ്റമ്പ് മൈക്കിൽ റെക്കോർഡായത് വൈറലായിരുന്നു. 33കാരനായ സ്പിന്നർ ഏകദിന ലോകകപ്പിൽ മികച്ച പ്രകടനമാണ് നടത്തിയത്. 10 മത്സരങ്ങളിൽ നിന്ന് 15 വിക്കറ്റുകൾ നേടാനായ താരത്തിന്റെ ഇക്കോണമി 4.15 ആയിരുന്നു. ഐപിഎല്ലിൽ ലക്നൗ സൂപ്പർ ജയന്റ്സിന്റെ താരമാണ് കേശവ് മഹാരാജ്.
EXCLUSIVE | VIDEO: “Obviously, something that I put forward to the media lady and requested that song to be played. For me, God has been my greatest blessing, giving me guidance and opportunity. So, it’s the least that I can do and it also just gets you in your zone. It’s a nice… pic.twitter.com/TtDYg28oRN
— Press Trust of India (@PTI_News) January 9, 2024
“>
