മുംബൈയിലെ തിരക്കേറിയ തെരുവിലൂടെ വിചിത്ര സ്കൂട്ടർ യാത്രയുമായി കപ്പിൾസ്. സുരക്ഷ മുൻകരുതലുകളൊന്നും പാലിക്കാതെ യുവതിയെ സ്കൂട്ടറിന് മുന്നിൽ തന്റെ മടിയിലിരുത്തിയാണ് യുവാവിന്റെ യാത്ര. ഇരുവരും പുതപ്പുകൊണ്ട് ശരീരം മുടിയിട്ടുണ്ട്. സഹയാത്രികർ പകർത്തിയ വീഡിയോ സോഷ്യൽ മീഡിയയിൽ വൈറലായിട്ടുണ്ട്.
ഇതോടെ ഇരുവർക്കുമെതിരേ നടപടി ആവശ്യവുമായി ആൾക്കാർ രംഗത്തെത്തി. മുംബൈ ദേശീയ പാതയിൽ ബാന്ദ്രയ്‌ക്ക് സമീപമായിരുന്നു സാഹിസിക യാത്ര. ഇരുവരും ഹെൽമെറ്റ് ധരിക്കാതെയാണ് അഭ്യാസ പ്രകടനം നടത്തുന്നത്.
സോഷ്യൽ മീഡിയയിൽ പലരും മുംബൈ പോലീസിനെ ടാഗ് ചെയ്താണ് ഇവർക്കെതിരെ നടപടി ആവശ്യപ്പെടുന്നത്. പ്രദേശത്ത് ട്രാഫിക് പോലീസ് ഇല്ലേ എന്ന് ചോദിക്കുന്നവർ, കപ്പിൾസിന്റെ റൊമാൻസ് യാത്ര അതിര് കടന്നുവെന്നും പറയുന്നു. സ്കൂട്ടറിന്റെ നമ്പറടക്കം പോലീസ് സൈറ്റിൽ പങ്കുവച്ചും ചില യൂസർമാർ നടപടി ആവശ്യപ്പെടുന്നുണ്ട്.
This daring duo was spotted at Bandra Reclamation, turning heads with their unconventional scooter ride. @MumbaiPolice we kindly request your attention to ensure everyone’s safety on the roads. 🛵 pic.twitter.com/mKrqCILXog
— Bandra Buzz (@bandrabuzz) January 13, 2024
“>
