അയോദ്ധ്യാ രാമക്ഷേത്രത്തിലെ പ്രാണപ്രതിഷ്ഠാ ചടങ്ങിന്റെ സന്തോഷം പങ്കിട്ട് അഫ്ഗാനിസ്ഥാൻ ക്രിക്കറ്റ് താരം റഹ്‌മാനുള്ള ഗുർബാസ്. ഇൻസ്റ്റഗ്രാമിലാണ് താരം പ്രാണപ്രതിഷ്ഠയുടെ സന്തോഷം പങ്കിട്ടത്. തന്റെ ഇൻസ്റ്റാഗ്രാം സ്റ്റോറിയിൽ മേരേ ഘർ റാം ആയേ ഹേ എന്ന പാട്ടിനൊപ്പമുള്ള സെൽഫിയാണ് താരം പങ്കിട്ടത്. സമൂഹമാദ്ധ്യമങ്ങളിൽ ഗുർബാസിന്റെ സ്‌റ്റോറി വൈറലാണ്. ജനുവരി 22-നായിരുന്നു രാം ലല്ലയുടെ പ്രാണ പ്രതിഷ്ഠാ ചടങ്ങ്.
Afghanistan Cricket Player Rahmanullah Gurbaz posts Instagram story – #JaiShreeRam pic.twitter.com/vieGC3Hljp
— Megh Updates 🚨™ (@MeghUpdates) January 24, 2024
“>
പ്രാണപ്രതിഷ്ഠാ ചടങ്ങിൽ സന്തോഷം പ്രകടിപ്പിച്ച ആദ്യത്തെ വിദേശ താരമല്ല ഗുർബാസ്. നേരത്തെ ഇംഗ്ലണ്ടിന്റെ മുൻതാരം കെവിൻ പീറ്റേഴ്സൺ, ഓസ്‌ട്രേലിയൻ താരം ഡേവിഡ് വാർണർ, ദക്ഷിണാഫ്രിക്കൻ ഓൾറൗണ്ടർ കേശവ് മഹാരാജ്, പാകിസ്താൻ മുൻ താരം ഡാനിഷ് കനേരിയ എന്നിവരും പ്രാണപ്രതിഷ്ഠയുടെ സന്തോഷം പങ്കിട്ടിരുന്നു. വെങ്കടേശ് പ്രസാദ്, സച്ചിൻ തെണ്ടുൽക്കർ, അനിൽ കുംബ്ലെ, രവീന്ദ്ര ജഡേജ തുടങ്ങിയവരും ചടങ്ങിന്റെ ഭാഗമായിരുന്നു.
