നവിമുംബൈ: ശ്രീനാരായണ മന്ദിരസമിതിയുടെ ആഭിമുഖ്യത്തിൽ നടക്കുന്ന 23 -ാമത് ഗുരുദേവഗിരി തീർത്ഥാടനത്തിന് നാളെ കൊടിയേറും. മൂന്നു ദിവസങ്ങളിലായി നടക്കുന്ന തീർത്ഥാടനത്തിൽ ക്ഷേത്രത്തിലെ പ്രതിഷ്ഠാ വാർഷികവും നടക്കും. പതാക ഉയർത്തിയതിന് ശേഷം പറനിറക്കും. പതാകയും ഗുരുദേവന്റെ പഞ്ചലോഹ വിഗ്രഹവും ഗുരുദേവഗിരിയിൽ എത്തി.
നാളെ രാവിലെ 6ന് മഹാഗണപതി ഹോമം. 6.30ന് മഹാഗുരുപൂജ. 7.30ന് പതാക ഉയർത്തൽ, തുടർന്ന് പറ നിറയ്‌ക്കൽ. 10.30ന് ഉച്ചപൂജ, 11.30ന് നട അടക്കും. ഉച്ചക്ക് ഒന്നിന് മഹാപ്രസാദം. 2.30 മുതൽ 7.30 വരെ മന്ദിരസമിതി യൂണിറ്റുകൾ അവതരിപ്പിക്കുന്ന കലാപരിപാടികൾ. 6ന് വിശേഷാൽ ഗുരുപൂജ, ദീപാരാധന. 9ന് മഹാപ്രസാദം.
