അമേരിക്കൻ നടനും സംവിധായകനുമായ കാൾ വെതേഴ്സിനെ(76) അനുസ്മരിച്ച് സഹതാരവും സൂപ്പർസ്റ്റാറുമായ അർനോൾഡ് ഷ്വാസ്നെഗർ. വികാരനിർഭരമായ കുറിപ്പാണ് താരം പങ്കുവച്ചിരിക്കുന്നത്. കാൾ എന്നും ഒരു ഇതിഹാസമായിരിക്കുമെന്നാണ് താരം എക്സിൽ പങ്കുവച്ച അനുസ്മരണ കുറിപ്പിൽ പറഞ്ഞത്.കുടുംബത്തോടൊപ്പം ദുഃഖത്തിൽ പങ്കുചേരുന്നതായും അദ്ദേഹം അറിയിച്ചു. വ്യാഴാഴ്ച രാത്രിയാണ് വെറ്ററൻ താരം മരിച്ചത്. ഇന്നാണ് വാർത്തകൾ പുറത്തുവന്നത്. അതേസമയം മരണ കാരണം ഇതുവരെ പുറത്തുവിട്ടിട്ടില്ല. 75ലേറെ ചിത്രങ്ങളിൽ അഭിനയിച്ച താരം നിരവധി ടിവി സീരിസിന്റെ ഭാഗവുമായിരുന്നു.
‘‘കാൾ വെതേഴ്സ് എന്നും എപ്പോഴും ഒരു ഇതിഹാസമായിരിക്കും. അസാധാരണ കായികതാരം, മികച്ച നടനും വ്യക്തിയും. അവനില്ലാതെ ഞങ്ങൾക്ക് പ്രഡേറ്റർ ഒരിക്കലും യാഥാർത്ഥ്യമാകില്ലായിരുന്നു. തീർച്ചയായും ഞങ്ങൾക്ക് ഇത്രയും മനോഹരമായ സമയം ഉണ്ടാകുമായിരുന്നില്ല. അവനോടൊപ്പമുള്ള ഓരോ മിനിറ്റും സെറ്റിലും പുറത്തും സന്തോഷമായിരുന്നു. ഞാൻ അവനെ മിസ് ചെയ്യും, കുടുംബത്തോടൊപ്പം ദുഃഖത്തിൽ പങ്കുചേരുന്നു.’’–അർണോൾഡ് കുറിച്ചു.
സിൽവസ്റ്റർ സ്റ്റാലന്റെ ‘റോക്കി’ ഫ്രാഞ്ചൈസിയിൽ അപ്പോളോ ക്രീഡ് എന്ന ഇതിഹാസ കഥാപാത്രമായി കാൾ പകർന്നാടിയിരുന്നു. പ്രഡേറ്റർ,ആക്ഷൻ ജാക്സൻ തുടങ്ങിയ ചിത്രങ്ങളിലൂടെയാണ് താരം പ്രേക്ഷക പ്രീതി നേടിയത്. ഡിസ്നിയുടെ സ്റ്റാർ വാർസ് പരമ്പയിലും ശ്രദ്ധേയ കഥാപാത്രമായി.
Carl Weathers will always be a legend. An extraordinary athlete, a fantastic actor, and a great person. We couldn’t have made Predator without him. And we certainly wouldn’t have had such a wonderful time making it. pic.twitter.com/q4CWVVeyTK
— Arnold (@Schwarzenegger) February 2, 2024
“>
