തിരുവനന്തപുരം : പുതിയ ബജറ്റ് വന്നതിന് പിന്നാലെ പല ഉത്പ്പന്നങ്ങൾക്കും വില കൂടുകയും , കുറയുകയും ചെയ്തിട്ടുണ്ട് . കേന്ദ്ര ബജറ്റ് ഇത്തവണ ഏറെ ജനപ്രിയമാണെന്നാണ് വ്യവസായികളടക്കം പറയുന്നത് .
ഇന്ത്യയുടെ മാക്രോ ഇക്കണോമിക് വളർച്ചയിലും ധനപരമായ ഏകീകരണത്തിലും പ്രധാന ശ്രദ്ധ കേന്ദ്രീകരിക്കുന്നതായിരുന്നു നിർമല സീതാരാമൻ അവതരിപ്പിച്ച ആറാമത്തെ ബജറ്റും . ഇതിൽ ബാറ്ററി കവറുകൾ, പ്ലാസ്റ്റിക്, മെറ്റൽ എന്നിവയുടെ അസംസ്കൃത വസ്തുക്കളുടെ ഇറക്കുമതി തീരുവ കുറയ്‌ക്കാൻ തീരുമാനിച്ചിട്ടുണ്ട് . ഈ തീരുമാനം പ്ലാസ്റ്റിക് റീസൈക്കിളിംഗിനടക്കം ഏറെ പ്രയോജനകരമാകുമെന്നാണ് റിപ്പോർട്ട്.
നിലവിൽ സംസ്ഥാനത്തടക്കം പ്ലാസ്റ്റിക ബക്കറ്റുകളുടെ ആവശ്യകത കുതിച്ചുയരുകയാണ് . വിപണികളിൽ പോളിമറിന്റെയും അതിന്റെ അസംസ്കൃത വസ്തുകളുടെയും വില കുറയുന്നതോടെ ആവശ്യക്കാർ ഇനിയും വർദ്ധിക്കും . ഇത് ബിസിനസിൽ തങ്ങൾക്ക് നേട്ടമാകുമെന്നാണ് കച്ചവടക്കാരുടെ പക്ഷം .
